மேற்கு வங்காளத்தில் முதல்வர் மம்தாபானர்ஜி சிறுபான்மையினர் மத்தியில் செல்வாக்கு உள்ளது. இதனை உடைக்க பாஜக பலநடவடிக்கைகளை எடுத்து வருகிறது.

சமீபத்தில் நடைபெற்ற உள்ளாட்சிதேர்தலில் முன்னெப்போதும் இல்லாத அளவுக்கு பாஜக முஸ்லிம் வேட்பாளர்களை களத்தில் இறக்கியது. இதனால் வாக்குவங்கி சற்று அதிகரித்ததால் பாஜக உற்சாகத்தில் உள்ளது.

குறிப்பாக உள்ளாட்சி தேர்தலில் 850-க்கும் அதிகமான முஸ்லிம் வேட்பாளர்கள் நிறுத்தப் பட்டனர். இவர்களில் பாதிக்கும் அதிகமானோர் வெற்றிபெற்றார்கள்.

இதேயுக்தியை 2019 பொதுத்தேர்தலிலும் கடைபிடிக்க பாஜக முடிவு செய்திருக்கிறது. மொத்தம் 42 மக்களவை தொகுதிகளை கொண்ட மேற்கு வங்காளத்தில் கடந்தமுறை 2 முஸ்லிம் வேட்பாளர்களை மட்டுமே பாஜக நிறுத்தியது.

மாநிலத்தில் முஸ்லிம்வாக்குகள் மட்டும் 30 சதவீதம் உள்ளது. இதனை கருத்தில் கொண்டு இந்தமுறை வரும் மக்களவை தேர்தலில் அதிக முஸ்லிம் வேட்பாளர்களை பாஜக நிறுத்தவுள்ளது.

Leave a Reply