தமிழ் தாமரை

ரியோ ஒலிம்பிக் போட்டியில் பங்கேற்க தகுதிபெற்றுள்ள இந்திய வீரர், வீராங்க னைகளை பிரதமர் நரேந்திர மோடி தில்லியில் திங்கள் கிழமை சந்தித்து வாழ்த்து தெரிவிக்கவுள்ளார்.

இதுதொடர்பாக மத்திய விளையாட்டுத்துறை அமைச்சகம் வெளியிட்டுள்ள அறிக்கையில் கூறியிருப்பதாவது: ரியோ ஒலிம்பிக் போட்டியில் பங்கேற் கவுள்ள இந்திய வீரர், வீராங்கனைகளை பிரதமர் நரேந்திர மோடி திங்கள் கிழமை சந்திக்கிறார். 13 விளையாட்டுப் பிரிவுகளில் ஒலிம்பிக்கிற்கு தகுதிபெற்றுள்ள 100-க்கும் மேற்பட்ட வீரர், வீராங்கனைளுடன் கலந்துரையாடும் மோடி, அவர்கள் ஒலிம்பிக்கில் சிறப்பாக செயல்ப டுவதற்கு வாழ்த்துகளையும் தெரிவிக்கவுள்ளார் என தெரிவிக்கப்பட்டுள்ளது.

100-க்கும் மேற்பட்டோர் ஒலிம்பிக்கில் பங்கேற்க தகுதி பெற்றிருந்தாலும், அதில் சிலர் வெளி நாடுகளில் பயிற்சி பெற்று வருகின்றனர். அதனால் மோடியுடனான சந்திப்பின் போது எத்தனை பேர் கலந்து கொள்வார்கள் என தெரியவில்லை.

ரியோ ஒலிம்பிக்போட்டி வரும் ஆகஸ்ட் 5 முதல் 21 வரை பிரேசிலின் ரியோ டி ஜெனிரோ நகரில் நடைபெறவுள்ளது.