ஒரு புத்தகத்தை அடிப்படையாகக் கொண்டு சினிமா எடுக்கும்போது, சினிமாவுக்காக சில விசயங்களை மாற்றிக்கொள்ளலாம் தான். ஆனால், உண்மைகளை மாற்றக் கூடாது; திரித்துக் கூறக்கூடாது.

‘சூரரைப் போற்று’ திரைப்படத்தை நாம் இன்னும் பார்க்கவில்லை. நம்பத் தகுந்த நண்பர் ஒருவரின் விமர்சனம் ஒன்றைப் படித்துவிட்டு இந்தப் பதிவினையிடுகிறேன்.
கேப்டன் கோபிநாத் அவர்களின் வாழ்க்கை வரலாற்றை அடிப்படையாகக் கொண்டு எடுக்கப்பட்ட படம் தான் ‘சூரரைப் போற்று’ படம்.

கேப்டன் கோபிநாத் ஐயங்கார் சமுதாயத்தைச் சார்ந்தவர். ஆனால் அவரைப் பட்டியல் சமுதாயத்தைச் சார்ந்தவராக காண்பித்திருக்கிறார்களாம் படத்தில்!
அதேசமயம், ஹீரோவின் எதிரிகளை மட்டும்  பிராமணர்களாகக் காண்பித்திருக்கிறார்களாம்! மேலும், கேப்டன் கோபினாத்தின் திருமணம் ஐயங்கார் முறைப்படி நடந்தத் திருமணம். ஆனால் திரைப்படத்தில்ஈ.வெ.ரா. கோஷ்டியின்சுயமரியாதைத் திருமணமாகக் காண்பித்திருக்கிறார்களாம்!
இதெல்லாம் நேர்மையா?

கொஞ்சம் யோசித்துப் பாருங்கள்…கேப்டன் கோபிநாத் உண்மையில் பட்டியல் சமுதாயத்தைச் சார்ந்தவராக இருந்து, திரைப்படத்தில் அவரை பிராமணராக மாற்றிக் காண்பித்திருந்தால் இந்நேரம் எவ்வளவு எதிர்ப்பு வந்திருக்கும்?
அதேபோல் கேப்டன் கோபிநாத் உண்மையில் சுயமரியாதைத் திருமணம் செய்திருந்து, படத்தில் அதனை மறைத்து அவர் வைதீக முறைப்படி திருமணம் செய்துகொண்டதாகக் காண்பித்திருந்தால் என்னவாகியிருக்கும்???.

நம்மை பொருத்தவரை எதுவும் உயர்ந்த சாதியில்லை; எதுவும் நிச்சயம் தாழ்ந்த சாதியில்லை. சாதியில் உயர்வு, தாழ்வு காண்பது பேதமை என்று திண்ணமாக எண்ணுகிறோம். அதேவேளை, திரைப்படம் உள்ளிட்ட படைப்புகளில் உள்ளது உள்ளபடி சொல்லப்பட வேண்டுமென்று நினைக்கிறோம்.

NEET, EIA Draft உள்ளிட்ட விசயங்களுக்கு எதிராகவெல்லாம் பொங்கும் புத்திசாலிநடிகர் சூர்யா,தனது படம் ஓட வேண்டும், அதன்மூலம் கோடிகோடியாய் சம்பாதிக்க வேண்டுமென்பதற்காககேப்டன் கோபிநாத் பற்றிய உண்மை விசயங்களை இப்படித் திரித்துக் கூறி படம் எடுக்கலாமா?.தனது விசயங்களில் நேர்மையின்றி நடக்கும் எவனுக்கும்அடுத்தவர்களைப் பற்றி விமர்சனம் செய்ய அருகதையில்லை!

Comments are closed.