கங்கைநதி மார்ச் 2020-ல் முழுமையாக சுத்தமாகும் என்று மத்திய கப்பல் மற்றும் நெடுஞ்சாலை துறை அமைச்சர் நிதின்கட்கரி உறுதிபடத் தெரிவித்துள்ளார்.

மும்பையில் நடைபெற்ற நிகழ்ச்சி யொன்றில் பேசிய கட்கரி, ''நமாமி கங்கை திட்டத்தின்கீழ் செயல்படும் 221 திட்டங்களும் முடிவடையும் தறுவாயில் உள்ளன. இதன் மதிப்பு சுமார் ரூ.22,238 கோடி ஆகும்.

வேலை நடைபெறும் வேகத்தை பொறுத்து, மார்ச் 2020-ல் கங்கைநதி முழுமையாக சுத்தமாகும். இது கடினமான காரியம் தான். ஆனாலும் இதை செய்து முடிப்போம்.கங்கைநதி மட்டுமல்லாது கிளை நதிகளையும் சுத்தப்படுத்தும் பணி நடைபெற்று வருகிறது.

நமாமி கங்கா இலக்கின்கீழ் செயல்படும் 221திட்டங்களில் 191 திட்டங்கள் உத்தராகண்ட், உத்தரப் பிரதேசம், மேற்குவங்கம், பிஹார் மற்றும் ஜார்க்கண்ட் பகுதிகளில் அதிகப்படியான மாசுக்குக் காரணமாக இருக்கும் கழிவு நீர் சுத்திகரிப்பு நிலையங்கள், கிராமப்புற சுத்திகரிப்பைக் கையாளும் விதமாக அமைக்கப் பட்டுள்ளன'' என்றார்.

Leave a Reply