எதிர்க் கட்சிகளின் கடும் எதிர்ப்புகளுக்கு மத்தியில் குடியுரிமை திருத்த மசோதாவை நாடாளுமன்றத்தில் உள்துறை அமைச்சர் அமித்ஷா தாக்கல்செய்தார். இந்த மசோதாவை அறிமுகம்செய்ய 293 பேர் ஆதரவும், 82 பேர் எதிர்ப்பு தெரிவித்தனர்

பாகிஸ்தான், வங்காளதேசம், ஆப்கானிஸ்தான் ஆகிய நாடுகளில் மததுன்புறுத்தல் காரணமாக வெளியேறி இந்தியாவில் குடியேறிய முஸ்லிம் அல்லாத சிறுபான்மை யினருக்கு இந்திய குடியுரிமை அளிக்க மத்திய அரசு முடிவுசெய்தது.

அதன்படி, 1955-ம் ஆண்டு கொண்டுவரப்பட்ட குடியுரிமை சட்டத்தில் திருத்தம் செய்து, 2016-ம் ஆண்டு குடியுரிமை சட்டதிருத்த மசோதா செய்தது. இந்த மசோதா கடந்த முறை மோடி ஆட்சியின்போது நிறைவேற்றப்பட்டது. ஆனால் மாநிங்களவையில் தாக்கல் செய்யப்பட வில்லை.

இதனிடையே பிரதமர் மோடி அரசின் முதல் ஐந்துஆண்டு பதவி காலம் முடிந்து விட்டதால் மசோதா காலாவதியானது. இதையடுத்து புதிதாக குடியுரிமை சட்டதிருத்த மசோதாவை மோடி அரசு கொண்டுவந்துள்ளது இதற்கு மத்திய அமைச்சரவை அண்மையில் ஒப்புதல் அளித்தது.

இந்த மசோதாவுக்கு லோக்சபாவில் அதிமுக ஆதரவு அளித்துள்ளது.தேசிய குடியுரிமை சட்டத்திருத்த மசோதா சிறுபான்மையினருக்கு எதிரானதல்ல. மசோதாவில் பாகுபாடுகள் காட்டப்பட வில்லை என லோக்சபாவில் உள்துறை அமைச்சர் அமித் ஷா விளக்கம் அளித்தார்.

 மக்களைவியில் பேசிய உள்துறை அமைச்சர் அமித்ஷா, தேசிய குடியுரிமை சட்டத்திருத்த மசோதா பின்னணியில் எந்த அரசியல் பின் புலமும் இல்லை , இதில் அநீதி என்ற கேள்விக்கே இடமில்லை.
மேலும், குடியுரிமை சட்டத் திருத்த மசோதாவால் அநீதி ஏற்படும் என கேள்வி எழுப்புவதே தவறு. 1947 ஆம் ஆண்டில் இந்தியாவுக்கு புலம்ப்ந்யர்ந்தவர்களை எல்லாம் இந்திய அரசியலமைப்பு ஏற்றுக் கொண்டது. இந்தியாவின் ஒவ்வொரு பகுதியிலும் கிழக்கு மற்றும் மேற்கு பாகிஸ்தானில் இருந்து புலம்பெயர்ந்தவர்கள் இருப்பார்கள். அத்வானி, மன்மோகன் சிங்  ஆகியோர்கூட புலம்பெயர்ந்தவர்கள் தான் என தெரிவித்துள்ளார்.

குடியுரிமை திருத்த மசோதாவின் படி, கடந்த 2014-ம் ஆண்டு டிசம்பர் 31-ந் தேதிக்கு முன்பு, பாகிஸ்தான், வங்காளதேசம், ஆப்கானிஸ்தான் ஆகிய நாடுகளில் இருந்து இந்தியாவில் குடியேறிய முஸ்லிம் அல்லாதவர்கள், சட்டவிரோதமாக குடியேறியவர்களாக கருதப்பட மாட்டார்கள். அவர்கள் இந்தியாவில் குடியேறி 5 ஆண்டுகள் நிறைவடைந்தவுடன் இந்திய குடியுரிமை வழங்கப்பட உள்ளது.

Comments are closed.