கம்பெனி பதிவேட்டில் இருந்து மேலும் 1.2 லட்சம் நிறுவன ங்களை நீக்க மத்திய அரசு முடிவுசெய்துள்ளது. கருப்பு பண மீட்பு நடவடிக்கைகளின் ஒருபகுதியாக, செயல்படாத நிறுவனங்கள் மீது மத்திய அரசு நடவடிக்கை எடுத்துவருகிறது. குறிப்பாக  பணமதிப்பு நீக்கத்துக்கு பிறகு போலி நிறுவனங்கள் மூலம் கருப்புபணம் மாற்றப்பட்டது கண்டுபிடிக்கப்பட்டது. இதை தொடர்ந்து பணமதிப்பு நீக்கத்தை  தொடர்ந்து, 2,138 நிறுவன கணக்குகளில் மொத்தம் 1,321 கோடி டெபாசிட் செய்யப் பட்டது இதை தொடர்ந்து சுமார் 2.1 லட்சம் நிறுவன பதிவுகளை  கம்பெனிசட்ட விதிகளின்படி மத்திய அரசு ரத்துசெய்தது. கடந்த ஆண்டு டிசம்பர் வரை 2.26 லட்சம் நிறுவனங்கள் நீக்கப் பட்டுள்ளன.  இது வரை சுமார்  2.26 லட்சம் நிறுவனங்கள் பதிவேடுகளில் இருந்து நீக்கப்பட்டு, இவற்றில் பணியாற்றிய 3.09 லட்சம் இயக்குநர்கள் தகுதி நீக்கம் செய்யப்பட்டுள்ளனர்.  

இவர்கள் 5 ஆண்டுகளுக்கு எந்த நிறுவனத்திலும் பணிபுரிய தடை விதிக்கப் பட்டுள்ளது. தகுதி நீக்கப்பட்டவர்களில் சசிகலா, கேரள முன்னாள் முதல்வர்  உம்மன் சாண்டி, கேரள  எதிர்க் கட்சி தலைவர் ரமேஷ் சென்னிதலா ஆகியோரும் அடங்குவர்.  இந்நிலையில் மத்திய நுகர்வோர் விவகார இணையமைச்சர் பி.பி.சவுதாரி தலைமையிலான ஆய்வுக் கூட்டத்தில் 1.2 லட்சம் நிறுவனங்களை நீக்க  முடிவு செய்யப் பட்டுள்ளது. கம்பெனி சட்ட விதிகளை மீறியது மற்றும் சட்ட விரோத பண பரிமாற்றம் கண்டறியப்பட்டதால் இந்த நடவடிக்கை  எடுக்கப்பட உள்ளதாக நுகர்வோர் விவகார அமைச்சகம் தெரிவித்துள்ளது.  இந்தவிவகாரத்தில் தேசிய கம்பெனி சட்ட தீர்ப்பாயத்தில் 1,157 வழக்குகள்  பதிவு செய்யப்பட்டுள்ளன. இவற்றில் 180 நிறுவனங்கள், கம்பெனி விதிகளை பூர்த்திசெய்ததால் மீண்டும் செயல்பட அனுமதி அளிக்கப்பட்டுள்ளது.

* கடந்த டிசம்பர் மாதம் வரை 2.26 லட்சம் நிறுவனங்கள்  நீக்கம்.
* 3.09 லட்சம் இயக்குநர்கள் தகுதி நீக்கம் செய்யப்பட்டுள்ளனர்.
* சட்ட விதிகளை பூர்த்திசெய்ததால் 180 நிறுவனங்கள் மீண்டும் செயல்பட அனுமதி.

Leave a Reply