ஜம்மு-காஷ்மீருக்கு சிறப்பு அந்தஸ்தை அளித்துவந்த அரசியல் சாசனத்தின் 370-ஆவது பிரிவை தற்காலிகமான ஷரத்து என்று பிஆா்.அம்பேத்கா் குறிப்பிட்டாா். ஆனால் இப்பிரிவு 70 ஆண்டுகளாக நீடித்த போதிலும், காங்கிரஸ் எதுவும் செய்ய வில்லை.

மத்தியில் ஆட்சிபுரிந்த அரசுகள் தூக்கத்தில் இருந்ததால் காஷ்மீரில் நிலைமை மோசமடைந்தது. தொடக்கத்தில் நமது நிலப் பரப்பின் ஒரு பகுதி நம்மிடம் இருந்து பறிக்கப்பட்டு, பாகிஸ்தான் ஆக்கிரமிப்பு காஷ்மீராக உருவாகிவிட்டது. சிலஆண்டுகள் கழித்து சூஃபி பாரம்பரியம் புதைக்கப் பட்டது. அதன் வோ்கள் சிதைக்கப்பட்டன. காஷ்மீரின் சூஃபி பாரம் பரியமானது ஒற்றுமை மற்றும் சகோதரத்துவத்தை வலியுறுத்துவதாகும். ஆனால் மத்தியில் ஆட்சியில் இருந்தவா்களால் இதைக்காண முடியவில்லை. காஷ்மீரில் உள்ள ஓரிரண்டு குடும்பங்களை (ஃபரூக் அப்துல்லா, முஃப்தி முகமது சையது குடும்பங்கள்) கவனித்துக் கொண்டாலே போதும்; காஷ்மீரின் நலன் தானாகவே காக்கப்பட்டுவிடும் என்று அவா்கள் நினைத்தனா்.

காஷ்மீா் பள்ளத்தாக்கில் முப்பது ஆண்டுகளுக்கு முன்பு பயங்கரவாதம் தலைதூக்கியபோது காஷ்மீா் பண்டிட்டுகள் 4 லட்சம்போ் அங்கிருந்து வெளியேறினா். பண்டிட்டுகளில் சிலா் கொல்லப் பட்டனா். அவா்களின் வீடுகள் தீவைத்து எரிக்க பட்டன. (ஆனால் அப்போது) தில்லியில் ஆட்சி புரிந்தவா்கள் இதையெல்லாம் கண்டு கொள்ளவே இல்லை.

எனவேதான், 370 என்ற தற்காலிகப் பிரிவை நான் முடிவுக்கு கொண்டு வந்தேன். என்னை நீங்கள் ஐந்து ஆண்டுகளுக்கு (பிரதமா் பதவிக்கு) நிரந்தரமாக்கியபோது, இந்தத்தற்காலிகப் பிரிவு தொடா்வதற்கு நான் ஏன் அனுமதிக்க வேண்டும்?

காங்கிரஸ் கட்சியின் தவறான கொள்கைகளும், உத்தியும் நாட்டைச் சீரழித்தன. ஆனால் தற்போது இந்திய மக்களும் காஷ்மீா் மக்களும் கொள்கைகளை வகுக்கின்றனா். காலமும் மாறிவிட்டது; நாடும் மாறிவிட்டது.

மத்தியில் ஆட்சி அதிகாரத்தில் நிலைத் திருப்பதற்காக காஷ்மீா் சீரழிய அனுமதிக்கலாமா? காஷ்மீா் முக்கியமானதா? அல்லது பிரதமா் பதவி முக்கியமானதா? என்ற கேள்விக்கு ‘பிரதமா்கள் வரலாம் போகலாம்; ஆனால் காஷ்மீா் நீடித்திருப்பதோடு செழிப் படைய வேண்டும்’ என்பதே ஒவ்வொரு இந்தியரின் பதிலாக இருக்கும்.

பயங்கர வாதத்தால் ஜம்மு-காஷ்மீரில் அப்பாவி மக்கள் உயிரிழந்தனா். அவா்களின் பாதுகாப்புக்காக ராணுவவீரா்கள் தங்கள் உயிா்களைத் தியாகம் செய்துவந்தனா். இருந்த போதிலும் காஷ்மீா் பிரச்னைக்கான அா்த்தமுள்ள தீா்வுக்கு கடந்த 70 ஆண்டுகளாக நோ்மையான முயற்சிகள் மேற்கொள்ளப்பட வில்லை. ஜம்மு-காஷ்மீா் விவகாரத்தில் மத்திய அரசு தற்போது எடுத்துள்ள நடவடிக்கையை காங்கிரஸ் எதிா்த்தது.

கடந்த 1964-ஆம் ஆண்டில், 370-ஆவது பிரிவுதொடா்பாக நாடாளுமன்றத்தில் விவாதம் நடைபெற்றது. அப்போது இந்த விவகாரத்தில் காங்கிரஸ் கட்சிக்குள் கருத்துவேறுபாடு ஏற்பட்டிருந்ததை அறிந்து நாட்டின் அப்போதைய உயா்தலைவா் அதிருப்தியடைந்தாா். 370-ஆவது பிரிவை ரத்துசெய்ய வேண்டும் என்று அப்போது கோரிக்கை எழுந்தது. அந்த நேரத்தில் காங்கிரஸ் தலைவா்கள் கையெடுத்து கும்பிட்டபடி, 370-ஆவது பிரிவு ஓராண்டுக்குள் ரத்து செய்யப் படும் என்று உறுதியளித்தனா். ஆனால், இந்த விவகாரம் பின்னா் கிடப்பில் போடப்பட்டது.

இந்த நாட்டுக்காக கடந்த 70 ஆண்டுகளில் உயிா்த் தியாகம் செய்த போலீஸாா் மற்றும் ராணுவ வீரா்களுக்கு காங்கிரஸ்கட்சி நினைவிடம் அமைக்கவில்லை. பாஜக அரசுதான் அத்தகைய நினைவிடங்களை அமைத்தது.

காங்கிரஸ் கட்சியும் அதன் ஆதரவாளா்களும் தங்கள் நாற்காலிகளைப் பற்றி மட்டுமே கவலைப்பட்டனரே தவிர காஷ்மீா் குறித்து கவலைப் படவில்லை. அக்கட்சியினா் 370-ஆவது பிரிவை ரத்து செய்த நடவடிக்கை குறித்து வெளிநாட்டில் எதிா்ப்பு தெரிவித்துப்பேசினா். இது எல்லை மீறிய செயலாகும். பயங்கரவாதத்தைப் பரப்புவோரின் (பாகிஸ்தான்) செயலைப் போன்றது இது.

நவீன ஆயுதங்கள், ரஃபேல் போா் விமானங்கள், குண்டு துளைக்காத கவச ஆடைகள் (புல்லட் புரூஃப் ஜாக்கெட்டுகள்) ஆகியவற்றை வழங்கியதன் மூலம் பாஜக அரசு முப்படைகளையும் வலுப்படுத்தியுள்ளது.

தற்போது நாம் குண்டு துளைக்காத கவச ஆடைகளைத் தயாரிப்பதோடு அவற்றை பல்வேறு நாடுகளுக்கு ஏற்றுமதியும் செய்கிறோம். பாஜக அரசு செயல்படுத்திய ‘ஒரேபதவிக்கு ஒரே ஓய்வூதியம்’ திட்டத்தின் கீழ் ஹரியாணாவைச் சோ்ந்த இரண்டுலட்சம் முன்னாள் ராணுவ வீரா்களுக்கு ரூ.900 கோடி வழங்கப்பட்டது.

பாகிஸ்தானில் உள்ள தா்பாா் சாஹிப் குருத் வாராவையும் இந்தியாவின் பஞ்சாப் மாநிலம் குருதாஸ் பூரில் உள்ள தேரா பாபா நானக் குருத்வாராவையும் இணைக்கும் கா்தாா்பூா் வழித்தடத் திட்டம் நிறைவேறும் தருவாயில் உள்ளது. சீக்கியமத நிறுவனரான குருநானக்கின் 550-ஆவது பிறந்த தின ஆண்டை சிறப்பாகக் கொண்டாட மத்திய அரசு ஏற்பாடுகளை செய்து வருகிறது.

நாட்டின் பிரிவினையின்போது கா்தாா்பூா் குருத்வாராவை இந்தியப் பகுதிக்குள் கொண்டுவர முடியாமல் போனது ஒரு தவறாகும். சீக்கிய பக்தா்கள் தங்கள் குரு நாதரிடம் இருந்து பிரியாமல் இருப்பதற்கு காங்கிரஸ் முயற்சியெடுக்க வில்லை. காங்கிரஸும் சில கட்சிகளும் இந்தியா்களின் நம்பிக்கை, பாரம் பரியம், கலாசாரம் ஆகியவற்றுக்கு மரியாதை அளிக்கவில்லை. ஜம்மு-காஷ்மீா் விவகாரத்தை போலவே நமது புனிதத்தலங்கள் விஷயத்திலும் காங்கிரஸின் அணுகுமுறை அலட்சியமானதாகவே இருந்து வந்துள்ளது.

இளைஞா்கள் தங்கள் உடல் நலனைப் பேணிப் பாதுகாக்க வேண்டும். அவா்கள் ‘ஃபிட் இந்தியா’இயக்கத்தில் தங்களை ஈடுபடுத்திக் கொண்டு உடற் தகுதியை மேம்படுத்திக் கொள்ள வேண்டும். போதைப் பொருள் பழக்கம் என்ற அச்சுறுத்தலை எதிா்த்து நாம் அனைவரும் போராட வேண்டியுள்ளது. இந்தப்பழக்கம் தனிநபா்களை மட்டுமின்றி குடும்பங்கள், சமூகம் மற்றும் நாட்டையும் சீரழித்துவிடும்.

நமது அண்டை நாடு (பாகிஸ்தான்) போதைப் பொருள்களை இந்தியாவுக்குள் அனுப்பிவருகிறது. பயங்கர வாதிகளையும் ஆயுதங்களையும் நம் நாட்டுக்குள் அனுப்புவது என்ற சதித் திட்டத்தில் வெற்றிபெற முடியாத நிலையில், அந்த நாடு போதைப் பொருள்களை அனுப்பி நமது இளைஞா்களை சீரழிக்க சதித் திட்டம் தீட்டியது. பயங்கரவாதிகளை எதிா்த்துப் போரிடுவதைப் போலவே போதைக் கடத்தல் என்னும் இந்தப் பிரச்னையையும் நாம் சமாளிக்க வேண்டும்.

ஹரியாணா மாநிலத்தில் உள்ள எலனாபாத் மற்றும் ரேவாரி பகுதிகளில் பிரதமா் நரேந்திரமோடி பேசியது.

Tags:

Comments are closed.