அரவிந்த் கெஜ்ரிவாலின் சவாலுக்கு தான்தயார் என்றும், நேரத்தையும் இடத்தையும் சொல்லுங்கள் என்றும் அமித்ஷா தெரிவித்துள்ளார்.

டெல்லி சட்டசபை தேர்தல் வரும் 8-ம் தேதி நடைபெற உள்ளது. 11 ம் தேதி வாக்கு எண்ணிக்கை நடைபெறஉள்ளது. பா.ஜ.க, காங்கிரஸ் மற்றும் ஆம் ஆத்மி இடையே கடுமையான போட்டி நிலவிவருகிறது.

சட்டசபை தேர்தல் நடைபெற உள்ள நிலையில், ஆளும் அரசான ஆம் ஆத்மி, காங்கிரஸ், பாஜக. உள்ளிட்ட கட்சிகள் தீவிரபிரச்சாரத்தில் ஈடுபட்டு வருகின்றன.

இந்த சூழலில் பாஜக.வினருக்கு ஆம் ஆத்மி கட்சியின் தலைமை ஒருங்கிணைப் பாளரும், டெல்லி முதல்வருமான அரவிந்த் கெஜ்ரிவால், ”நாளை மதியம் 1 மணிக்குள் முதல்வர் வேட்பாளரை பா.ஜ.க. அறிவிக்கவேண்டும் என்று சவால் விடுத்தார். மேலும் பா.ஜ.க. முதல்வர் வேட்பாளரிடம் எத்தகைய விவாதத்திற்கும் தான்தயாராக உள்ளதாக கூறினார். இவ்வாறு முதல்வர் வேட்பாளரை பா.ஜ.க. அறிவிக்காவிட்டால் மீண்டும் ஒரு செய்தியாளர்கள் சந்திப்பை ஏற்படுத்துவேன் என்றும் அவர் தெரிவித்திருந்தார்.

இந்நிலையில் அரவிந்த் கெஜ்ரிவாலின் சவாலுக்கு தான்தயார் என்று மத்திய உள்துறை மந்திரி அமித்ஷா தெரிவித்துள்ளார்.இது குறித்து அமித்ஷா பேசியபோது:

அரவிந்த் கெஜ்ரிவால், எங்களை முதல்வர் வேட்பாளரை அறிவிக்கும்படி கூறியிருக்கிறார். மேலும், விவாதம் நடத்தத்தயார் என்றும் தெரிவித்துள்ளார். இதற்காக முதல்வர் வேட்பாளரை அறிவிக்கவேண்டிய அவசியம் இல்லை. நேரத்தையும், இடத்தையும் சொன்னால்போதும். பா.ஜ.க. உறுப்பினர்கள் அங்கு விவாதிக்கவருவார்கள். முதல்வரைப் பொருத்தவரை டெல்லி மக்கள்தான் எங்கள் முதல்வர். இவ்வாறு அவர் கூறினார்.

Comments are closed.