மேகேதாடு அணை நீர் விவசாயத்திற்கு பயன்பாடுத்தப் படாது
என்று உறுதிதர தயார்.

….. கர்நாடக அமைச்சர் சிவகுமார்!

காவிரி நதி நீர் ஆணையமும் – ஒழுங்காற்று வாரியமும் அமைக்கப்பட்ட பிறகு காவிரி நதி மற்றும் நதியின் குறுக்கே அமைந்துள்ள அணைகள் மீதான உரிமை கர்நாடக அரசுக்கு இல்லை!
பராமரிப்பு பணிகள் கூட கர்நாடக அரசின் பொறுப்பில் இல்லை .

இந்த நிலையில் தான் உரிமை கொண்டாட முடியாத நதியின் குறுக்கே புதிய அணை கட்ட கர்நாடக அரசுக்கு உரிமை உண்டா என்பதே
அடிப்படை கேள்வி! உரிமை இல்லாத கர்நாடக அரசின்
உறுதி மொழி சட்ட விரோத செயல்களைப் புரிகின்றவர் தருகிற சான்றிதழ் போன்றதுதான்!

மேகேதாடுவில் அணையைக் கட்ட விரிவான திட்ட அறிக்கை தயாரிக்க மத்திய நீர் வாரியம் அனுமதி அளித்ததை எதிர்த்து
தமிழக அரசு தொடர்ந்த வழக்கில் ” திட்ட அறிக்கை தயாரிப்பு அணையைக் கட்டுவதாகாது ” என்று உச்சநீதிமன்றம் கருத்து தெரிவித்து இருக்கிறது!

தமிழக அரசு உச்சநீதிமன்றத்தில் எழுப்பி இருக்க வேண்டிய — எழுப்ப வேண்டிய கேள்வி — காவிரி நதிநீர் ஆணையம் அமைந்த பிறகும் கூட காவிரி நதி தொடர்பாக கர்நாடக அரசு உரிமை கொண்டாடுவது சரியா?
இது உச்சநீதிமன்றத் தீர்ப்புக்கு எதிரானது அல்லவா? என்பதாகவே இருக்க வேண்டும்!

உச்ச நீதிமன்ற தீர்ப்பு காவிரி நதி நீர் பங்கீட்டுக்கு மட்டுமானதா
அல்லது காவிரி நதி நான்கு மாநிலங்களுக்கும் சொந்தமானது என்பதற்குமானதா?

நதியின் நீர் பங்கீட்டுக்கு மட்டுமே உரிமை என்று வைத்துக் கொண்டாலும் நதியின் ஆரோக்கியமும் நீர் வரத்தும் பிரித்துப் பார்க்க முடியாத தொடர்பு உடையவை.

புதிய அணையைக் கட்டி அல்ல ;நதியின் போக்கை மாற்றக்கூடிய எந்த நடவடிக்கையும் நீர் பங்கீட்டின் அளவை பாதிக்கும் அபாயம் இருக்கிறது — அதனால் காவிரி நதி நெடுகிலும் தமிழகம் உள்ளிட்ட மாநிலங்களுக்கு மறைமுக உரிமை உண்டு.

அதனால் , தமிழக அரசு கர்நாடக அரசின் நடவடிக்கைக்கு எதிரான பிரச்சனையாக அல்லாமல் தனது உரிமைக்கான பிரச்சினையாக உச்ச நீதிமன்றத்தை அணுக வேண்டும்!.

நன்றி வசந்தன் பெருமாள்

Leave a Reply

Your email address will not be published.

This site uses Akismet to reduce spam. Learn how your comment data is processed.