மேற்கு வங்கத்தில் இளைஞர் நலம் மற்றும் விளையாட்டுத்துறை அமைச்சர் லக்ஷ்மி ரத்தன் சுக்லா ராஜினாமா செய்துள்ளது துரதிஷ்டவசமானது எனினும் அவரது ராஜினாமா கட்சியைபாதிக்காது என்று திரிணமூல் காங்கிரஸ் கூறியுள்ளது.

மேற்குவங்க மாநில அமைச்சரும் முன்னாள் கிரிக்கெட் வீரருமான லஷ்மிரத்தன் சுக்லா நேற்று திடீரென ராஜினாமா செய்தார்.  சட்டப்பேரவை தேர்தலுக்கு சிலமாதங்களே உள்ள நிலையில் அங்கு அரசியலில் மாற்றங்கள் ஏற்பட்டு வருகின்றன. மேற்குவங்கத்தில் ஆட்சியைப் பிடிக்க  பாஜக கட்சியைப் பலப்படுத்தி வருகிறது. திரிணமூலிலிருந்து எம்பிக்கள், எம்எல்ஏக்கள், மாநில அமைச்சர்கள் ராஜினாமா செய்துவிட்டு பாஜகவில் இணைந்து வருகிறார்கள்.

இதனிடையே சுக்லா வரவேற்கப்படுவதாக பாஜக தெரிவித்துள்ளது. கட்சியில் சேரவும் அழைப்புவிடுத்துள்ளது.

சுக்லா ராஜினா குறித்து வரவேற்பு தெரிவித்துள்ள பாஜக செய்தித்தொடர்பாளர் சமிக் பட்டாச்சார்யா செய்தியாளர்களிடம் கூறியதாவது:

”சுக்லா பாஜகவில் சேரவிரும்பினால், அவரை நாங்கள் வரவேற்கிறோம். திரிணாமுல் காங்கிரஸுக்கு அரசியல் சித்தாந்தம் இல்லை, திசையும் இல்லை. இது சிபிஐ எதிர்ப்பு (எம்) என்ற புள்ளியிலிருந்து உருவானகட்சி திரிணமூல். அது இப்போது பொருந்தாது. டி.எம்.சியின் நாட்கள் எண்ணப்பட்டு வருகின்றன என்பதை அடிமட்டத்தில் உள்ளவர்களும் அறிவார்கள். அக்கட்சியின் ஆயுள் இன்னும் கொஞ்சகாலம்தான்.”

பாஜக தலைவரும், மத்திய அமைச்சருமான பாபுல்சுப்ரியோ ”சுக்லாவை டி.எம்.சியை விட்டுவெளியேறி பாஜகவில் சேரவேண்டும்” என்று தெரிவித்துள்ளார்.

Comments are closed.