முந்தைய காங்கிரஸ் ஆட்சியில் பயங்கரவாதிகள் தினமும் தாக்குதல் நடத்தி வந்தனர். அதனால் எந்தநகரமும் பாதுகாப்பின்றி இருந்தது. 2008ல் மும்பையை குறிவைத்து தாக்குதல் நடைபெற்றது எப்படி என்பதை நாட்டுமக்கள் நன்கறிவார்கள்.

அத்துடன் பயங்கரவாதிகள் தாக்குதல் நின்றுபோனதா? இல்லை. 2008 ஜனவரியில் உ.பி.யிலும், மே மாதம் ஜெய்ப் பூரிலும், ஜூலையில் பெங்களூருவிலும், அடுத்த நாளில் அகமதா பாத்திலும், செப்டம்பரில் இருபயங்கரவாத தாக்குதல், அக்டோபரில் கவுகாத்தி, அகர்தலா, இம்பாலில் தொடர் குண்டு வெடிப்புகள் என அனைத்து நகரங்களிலும் பயங்கரவாத தாக்குதல் நடடைபெற்றது.

ஐபிஎல் தொடர் இளைஞர்களிடையே பெரும் வரவேற்பை பெற்றுவருகிறது. ஆனால் கடந்த 2009 மற்றும் 2014ம் ஆண்டுகளில் நடைபெற்ற ஐபிஎல் தொடர்கள் பயங்கரவாத அச்சுறுத்தலை தொடர்ந்து தென் ஆப்ப்ரிக்காவுக்கு மாற்றப்பட்டன.

சிலதினங்களுக்கு முன்பு மசூத் அசாரை சர்வதேச பயங்கரவாதியாக ஐ.நா. அறிவிப்பு வெளியிட்டது. இதற்கான தொடர் நடவடிக்கைகளை பாஜக எடுத்தது. எனவே, தற்போது உலகமே இந்தியாவை பற்றி பேசி வருகிறது.

”நாங்கள் 6 துல்லிய  தாக்குதல்களை நடத்தினோம் என காங்கிரஸ் இப்போது உரிமை கோருகிறது. எதற்காக தாக்குதல்கள் நடைபெற்றன, எந்தத்தீவிரவாதிகள் அழிக்கப்பட்டனர் என்பது குறித்துத் தெரியவில்லை. பாகிஸ்தானுக்கும் இதுதெரியாது. சொல்லப்போனால் இந்தியர்களுக்கே இது தெரியாது.அவர்கள் வீடியோ கேமில் தான் Surgical strike நடத்தியிருப்பார்கள்
..

நம்முடைய (பாஜக) தாக்குதலை முதலில் அவர்கள் (காங்கிரஸ்) கேலி செய்தனர். பிறகு போராட்டம் செய்தனர். இப்போது ‘மீ டூ’ ‘மீ டூ’ என்கின்றனர்”

ராஜஸ்தானில் நடந்த தேர்தல் பிரசாரத்தில் பிரதமர் மோடி பேசியது

Leave a Reply