கட்சித் தொண்டர்கள் தாயைப்போன்றவர்கள்; தாங்கள் புறக்கணிக்கப்படுவதாக அவர்கள் நினைக்கக் கூடாது. அவர்களுக்கு அதிக முக்கியத்துவம் கொடுக்க வேண்டும்’

 தாய்தான் மகனை வளர்த்து பெரிய ஆளாக்குவார்கள். அதேபோல், கட்சியின்வளர்ச்சிக்கு தொண்டர்களின்பணி மிகவும் முக்கியமானதாகும். ஆதலால், கட்சித் தொண்டர்கள் மனதில் தாங்கள் புறக்கணிக்கப் படுகிறோம் என்ற எண்ணம் ஏற்பட்டு விடக்கூடாது. எனவே எம்.பி.யாகத் தேர்வு செய்யப்பட்டவர்கள், கட்சியையும், கட்சித் தொண்டர்களையும் மறந்து விடக்கூடாது. தேர்தலில் தங்களுக்காக உழைத்த கட்சித் தொண்டர்களுடன், தேர்தல்நேரத்தில் மட்டுமல்லாது, எப்போதும் எம்.பி.க்கள் தொடர்பில் இருக்கவேண்டும். பாஜக-வின் இந்த மிகப்பெரிய வளர்ச்சிக்கு கட்சித் தொண்டர்களும், அவர்களின் கடின உழைப்பும் தான் காரணம். பாஜகவானது ஒரு குடும்பம் போன்றது. கட்சியின் வளர்ச்சிக்கு சித்தாந்தமும், கொள்கைகளும்தான் காரணம். ஒரு குடும்ப பாரம்பரியத்தால் கட்சி வளர்ச்சியடையவில்லை.

எம்.பி.க்களுக்கு எத்தனைவயது ஆனாலும் சரி, அவர்கள் தங்களை புதியவற்றை கற்கும் மாணவர்களாகவே கருதி செயல்படவேண்டும். தொடர்ந்து கற்றுக்கொண்டே இருக்க வேண்டும். கற்றல் என்பது தொடர்ச்சியான செயல்பாடாகும். இது மிகவும் அவசியம்.

 

தில்லியில் உள்ள நாடாளுமன்ற வளாகத்தில் பாஜக எம்.பி.க்களுக்கு 2 நாள் பயிற்சி நிகழ்ச்சி தொடங்கியுள்ளது. இதில் நாடாளுமன்ற இரு அவைகளைச் சேர்ந்த 380-க்கும் மேற்பட்ட பாஜக எம்.பி.க்கள் கலந்துகொண்டனர். இந்நிகழ்ச்சியை சனிக்கிழமை தொடங்கி வைத்து பிரதமர் மோடி பேசியது:

Comments are closed.