உலகில், முதல் மற்றும் இரண்டாவது தொழில்புரட்சி ஏற்பட்ட போது, இந்தியா சுதந்திரம் பெறவில்லை.மூன்றாவது தொழில்புரட்சி ஏற்பட்ட காலத்தில், சுதந்திரம் பெற்று, கடும்சவால்களை, நாடு சந்திக்க வேண்டியிருந்தது.ஆனால், நான்காவது தொழில்புரட்சி, இந்தியாவுக்கான காலமாக மாறியுள்ளது. தொழில்நுட்ப வளர்ச்சியால், வேலைவாய்ப்புகள் குறைந்து விடுமோ என, யாரும் பயப்பட தேவையில்லை. நான்காவது தொழில்புரட்சி அதிக வேலை வாய்ப்புகளை ஏற்படுத்தும். நம் ஒற்றுமை, மக்கள் தொகையின் பலம், வளர்ச்சியடைந்து வரும்சந்தைகள், டிஜிட்டல் உள்கட்டமைப்பு வசதி ஆகியவை, ஆராய்ச்சிக்கான சர்வதேச மையமாக, இந்தியாவை மாற்றும்.

அமெரிக்கா, ஜப்பான், சீனா ஆகிய நாடுகளில் மட்டுமே, இந்தமையம் திறக்கப்பட்டுள்ளது. தற்போது, நம் நாட்டிலும், இந்தமையம் திறக்கப் பட்டுள்ளது. டிஜிட்டல் இந்தியா திட்டம்,பெரும் வெற்றி பெற்றுள்ளதுடன், மக்களின் வாழ்க்கை தரத்தையும் மாற்றியுள்ளது.

நாட்டில் உள்ள, 120 கோடி மக்களுக்கு, ஆதார் அட்டைமூலம், டிஜிட்டல் அடையாளம் வழங்கப் பட்டுள்ளது. அலைபேசி இணையதள சேவை பயன் பாட்டில், உலகில் இந்தியா முதலிடத்தில் உள்ளது.

 

புதுதில்லியில் நடைபெற்ற உலகபொருளாதார மன்றத்தின் நிகழ்ச்சியில் 4-வது தொழில்புரட்சி மையத்தை  பிரதமர் நரேந்திர மோடி தொடங்கி வைத்தார்.


மகாராஷ்டிரா மாநிலத்தில் அமைய இருக்கும் இந்தமையத்தில் ஆளில்லா விமானம், செயற்கை நுண்ணறிவு மற்றும் பிளாக் செயின் ஆகிய மூன்று தொழில் நுட்பங்கள் பற்றி முதலில் அராய்ச்சி திட்டம் தொடங்கப்படவுள்ளது.
 

Leave a Reply

Your email address will not be published.

This site uses Akismet to reduce spam. Learn how your comment data is processed.