வரும் மக்களவைத் தேர்தலில் பாஜக தலைமையிலான தேசியஜனநாயக கூட்டணி அறுதிப் பெரும்பான்மை பெற்று ஆட்சி அமைக்கும் என்று டைம்ஸ் நவ், இண்டியா டிவி, நியூஸ் நேஷன் கருத்துக் கணிப்புகளில் தெரிவிக்க பட்டுள்ளது.

மக்களவைத் தேர்தலையொட்டி இண்டியா டிவி, சிஎன்எக்ஸ் நிறுவனம் இணைந்து நாடு முழுவதும் 543 தொகுதிகளிலும் கருத்துக் கணிப்பை நடத்தியுள்ளது. இதன்முடிவுகள் நேற்று வெளியிடப்பட்டன.

பாஜக தலைமையிலான தேசிய ஜனநாயக கூட்டணிக்கு 295 இடங்கள் கிடைக்கும் என்று கணிக்கப்பட்டுள்ளது. இதில் பாஜக மட்டும் 240 தொகுதிகளில் வெற்றி பெறும். காங்கிரஸ் தலைமையிலான ஐக்கிய முற்போக்கு கூட்டணிக்கு 127, இதர கட்சிகளுக்கு 121 இடங்கள் கிடைக்கும் என்று தெரிவிக்கப்பட்டுள்ளது.

இண்டியா டிவி, சி.என்.எஸ் கருத்து  கணிப்பில் முக்கிய மாநிலங்களின் முடிவுகள் விவரம்:

உத்தர பிரதேசத்தில் பாஜக 46, பகுஜன் சமாஜ்-சமாஜ் வாதி கூட்டணி- 29, காங்கிரஸ் கூட்டணி 4 தொகுதிகளை கைப்பற்றும்.

மேற்கு வங்கத்தில் திரிணமூல் காங்கிரஸ் 29, பாஜக 12, காங்கிரஸ் 1 இடங்களில் வெற்றிபெறும்.

மத்திய பிரதேசத்தில் பாஜக 23, காங்கிரஸ் 6, ராஜஸ்தானில் பாஜக 19, காங்கிரஸ் 6, சத்தீஸ்கரில் பாஜக 5, காங்கிரஸ்6, பிஹாரில் பாஜக-ஐக்கிய ஐனதாதள கூட்டணி- 31, ராஷ்டிரிய ஜனதா தளம்- காங்கிரஸ் கூட்டணி 7, மகாராஷ்டிராவில் பாஜக-சிவசேனா கூட்டணி 36, காங்கிரஸ்-தேசியவாத காங்கிரஸ் கூட்டணி 12, குஜராத்தில் பாஜக 24, காங்கிரஸ் 2 இடங்களில் வெற்றிபெறும் என்று கணிக்கப்பட்டுள்ளது.

தமிழகத்தில் திமுக-காங்கிரஸ் கூட்டணி 33, அதிமுக-பாஜக கூட்டணி 6 இடங்களில் வெற்றிபெறும் என்று தெரிவிக்கபட்டுள்ளது.

ஆந்திராவில் ஒய்எஸ்ஆர் காங்கிரஸ் 20, தெலுங்கு தேசம் 5, தெலங்கானாவில் ஆளும் தெலங்கானா ராஷ்டிரியசமிதி 14,காங்கிரஸ் 2, கர்நாடகாவில் பாஜக 16, காங்கிரஸ் 10, மதச்சார்பற்ற ஜனதா தளம் 2,

கேரளாவில் காங்கிரஸ் கூட்டணி 16, இடதுசாரி கூட்டணி 4 இடங்களைக் கைப்பற்றும் என்று தெரிவிக்கப்பட்டுள்ளது.

டைம்ஸ் நவ் கணிப்பு

டைம்ஸ் நவ், விஎம்ஆர் நிறுவனம் இணைந்து கடந்த மார்ச் 22 முதல் ஏப்ரல் 4-ம் தேதி வரை நாடு முழுவதும் கருத்துக் கணிப்பை நடத்தி நேற்று முடிவுகளை வெளியிட்டன. அதில் பாஜக தலைமையிலான தேசிய ஜனநாயக கூட்டணி 279 , காங்கிரஸ் தலைமையிலான ஐக்கிய முற்போக்கு கூட்டணி 149, இதர கட்சிகளுக்கு 115 இடங்கள் கிடைக்கும் என்று கணிக்கப்பட்டுள்ளது.

உத்தர பிரதேசத்தில் பாஜக 50, பகுஜன் சமாஜ்-சமாஜ்வாதி கூட்டணி 27, காங்கிரஸ் 3 தொகுதிகளைக் கைப்பற்றும்.

மத்திய பிரதேசத்தில் பாஜக 20, காங்கிரஸ் 9, ராஜஸ்தானில் பாஜக 18, காங்கிரஸ் 7, குஜராத்தில் பாஜக 22, காங்கிரஸ் 4, மகாராஷ்டிராவில் பாஜக கூட்டணி 38, காங்கிரஸ் கூட்டணி 10, ஆந்திராவில் ஒய்எஸ்ஆர் காங்கிரஸ் -20, தெலுங்கு தேசம் 5, கர்நாடகாவில் பாஜக கூட்டணி 16, காங்கிரஸ் கூட்டணி 12, கேரளாவில் காங்கிரஸ் கூட்டணி 17, இடதுசாரி கூட்டணி 2, பாஜக கூட்டணி1, தமிழகத்தில் திமுக-காங்கிரஸ் கூட்டணி 33, அதிமுக-பாஜக கூட்டணி 6 இடங்களைக் கைப்பற்றும் என்று தெரிவிக்கப்பட்டுள்ளது.

நியூஸ் நேஷன் கணிப்பு

நியூஸ்நேஷன் டிவி நடத்திய கருத்துக் கணிப்பில் பாஜக கூட்டணி 278, காங்கிரஸ் கூட்டணி 128 தொகுதிகளை கைப்பற்றும் என்று தெரிவிக்கபட்டுள்ளது.

பாகிஸ்தானின் பாலகோட் தீவிரவாத முகாம் மீது இந்திய விமானப்படை தாக்குதல் நடத்தியதால் பிரதமர் மோடியின் செல்வாக்கு அதிகரித்திருப் பதாகவும் நியூஸ் நேஷன் கருத்துக் கணிப்பில் தெரிவிக்கப் பட்டுள்ளது. பெரும்பான்மையை நிரூபிக்க 272 எம்பிக்களின் ஆதரவு தேவை என்ற நிலையில் பாஜக எளிதாக ஆட்சியமைக்கும் வாய்ப்புள்ளது என்று கூறப்பட்டுள்ளது.

Leave a Reply