செங்கல்பட்டு சட்டமன்ற தொகுதி பாஜக. செயல் வீரர்கள் கூட்டம் செங்கல் பட்டில் நடைபெற்றது. இதில் பங்கேற்ற தேசிய செயற்குழு உறுப்பினர் இல.கணேசன் நிருபர்களிடம் கூறியதாவது:–

பாஜக தேர்தலுக்கான தயாரிப்புகளை தொடங்கிவிட்டது. வாக்குச் சாவடி பகுதி அளவில் அமைப்பை பலப்படுத்து வதற்கான முயற்சியை மூன்று மாதங்களுக்கு முன்பு தொடங்கிவிட்டோம். எந்த கூட்டணி வந்தாலும் அடிப்படையாக பணி நடக்கபோகிறது.

சட்டமன்ற தொகுதி வாரியாக செயல்வீரர்கள் கூட்டத்தை நடத்தி வருகிறோம். 234 தொகுதிகளுக்கும் நேரில்சென்று ஆய்வு செய்வதற்காக மாநிலத்தில் 10 குழுக்கள் நியமிக்கபட்டு தலா ஒவ்வொருவருக்கும் தலா 24 தொகுதிகள் பிரித்து தரபட்டுள்ளது.

நாடாளுமன்ற தேர்தலில் எங்களோடு கூட்டணிவைத்த கட்சிகள் எங்களோடு கூட்டணியில் இல்லை என்று சொல்லவே இல்லை. சிலகருத்துக்களை முன்வைத்தார்கள். அதை நாங்கள் குறித்துகொண்டோம். அந்த கருத்துக்களை எங்களது அகிலபாரத தலைவர்களுக்கு தெரிவிக்கப்பட்டது.

சமீபத்தில் கொச்சிக்கு அகில பாரத தலைவர் அமித் ஷா வந்திருந்த போதும் இதுகுறித்து நாங்கள் கருத்து சொன்னோம். கூட்டணி குறித்து நாம் கவலைப்பட வேண்டாம் தமிழக பாஜக யாரோடு கூட்டணி அமைத்து போட்டியிடும் என்ற முடிவை மத்திய தலைமை விரைவில் அறிவிக்கும். 10 நாட்களுக்குள் அது தெரியவரும்.

காங்கிரஸ், திமுக. 5 ஆண்டுகளுக்கு மேலாக ஆட்சியில் இருந்திருக் கிறார்கள். நடுவில் ஒருசில காரணங்களுக்காக பிளவு ஏற்பட்டது. மீண்டும் சேர்ந்திருக் கிறார்கள். பிரிந்தவர்கள் மீண்டும் சேரும்போது மகிழ்ச்சி ஏற்படுவது. சகஜம் தான் இப்போது சேர்ந்திருக்கிறார்கள். அவர்கள் இருவரும் கொள்கை ரீதியான வேறுபாடுகள் இல்லை. இது இயற்கையானதுதான்.

பாஐக. பொருத்த வரையில் தி.மு.க.வுடன் கூட்டணி வைத்துக்கொள்ள வேண்டும் என்ற சிந்தனை யாருக்கும் தோன்றவில்லை. சுப்பிரமணிய சுவாமி ஒருகருத்தை சொன்னது விவாதத்தை கிளப்பியது என்பது உண்மைதான் இவ்வாறு அவர் பேசினார்.

Leave a Reply