தெலுங்கானாவில் காங்கிரஸ் முக்கியஉறுப்பினராக இருந்த நடிகை விஜய சாந்தி மீண்டும் பாஜகவில்  இணைய இருப்பதாக தகவல்கள் வெளியாகியுள்ளது.

தமிழ், தெலுங்கு திரைப்படங்களில்  பிரபலமானவர் நடிகை விஜயசாந்தி. 1998ல் அரசியலில் இறங்க முடிவுசெய்த விஜயசாந்தி முதன்முதலாக பாஜகவில் இணைந்தார். பிறகு சில வருடங்கள் கழித்து தனிக்கட்சி ஆரம்பித்தார் , அதை நிர்வகிக்க முடியாமல் அதை வேறொரு அரசியல்கட்சியுடன் இணைத்தார். பிறகு 2014ல் காங்கிரஸில் இணைந்த விஜய சாந்தி தற்போது வரை காங்கிரஸ் கட்சியிலேயே நீடித்துவருகிறார்.

விஜயசாந்தி எந்த கட்சிக்கு மாறினாலும் தெலுங்கானாவின் பலபகுதிகளில் அவருக்கு அதிகப் படியான செல்வாக்கு உள்ளது. மக்கள் பலர் விஜய சாந்தி ஆதரவளிக்கும் கட்சிக்கு ஓட்டுபோட தயாராக இருப்பதாகவும் கூறப்படுகிறது. ஏற்கனவே காங்கிரஸுக்கு தேசியளவில் செல்வாக்கு குறைந்துள்ள நிலையில் பலகாங்கிரஸ் கட்சியினர் பாஜகவில் இணைந்து வருகின்றனர். தற்போது அந்த வரிசையில் விஜய சாந்தியும் பாஜகவில் இணைய உள்ளதாக கூறப்படுகிறது.

விஜயசாந்தியும் அவரது ஆதரவாளர்களும் பிரம்மாண்டமான பொதுக் கூட்டம் கூட்டி அதில் தொண்டர்களோடு பாஜகவில் இணைவார்கள் என எதிர்பார்க்கப்படுகிறது.

Comments are closed.