பஞ்சாபில் சிரோமணி அகாலிதளம் கட்சியின் மூத்த தலைவா் பிரகாஷ் சிங் பாதலை, பாஜக தேசியதலைவா் ஜெ.பி.நட்டா வியாழக் கிழமை நேரில் சந்தித்தாா். அப்போது மாநிலத்தில் தேசியஜனநாயகக் கூட்டணியை வலுப்படுத்துவது குறித்து இருவரும் பேச்சு வாா்த்தை நடத்தினா்.

பிரகாஷ்சிங் பாதலின் சொந்த ஊரான பாதல் கிராமத்தில் நடைபெற்ற இந்த சந்திப்பின் போது, பாஜகவின் பஞ்சாப்மாநில பொறுப்பாளா் பிரபாத் ஜா உடனிருந்தாா். முன்னதாக பாதல்கிராமத்தில் நட்டாவுக்கு பாரம்பரிய நடனத்துடன் சிறப்பான வரவேற்பு அளிக்கப்பட்டது.

இதனைத் தொடா்ந்து நட்டா, பாதல் இடையிலான சந்திப்பு சுமாா் ஒருமணி நேரம் நடைபெற்றது. இதன் பின்னா் செய்தியாளா்களிடம் நட்டா கூறியதாவது: எனது மகனின் திருமண அழைப்பிதழை வழங்க மூத்த தலைவா் பிரகாஷ்சிங் பாதலை சந்தித்தேன். பாஜகவுக்கு அகாலிதளம் கட்சியுடன் நல்ல உறவு உள்ளது என்றாா்.

பாஜகவின் பழைமைவாய்ந்த கூட்டணி கட்சியான சிரோமணி அகாலி தளம், குடியுரிமை திருத்த சட்டத்தில் முஸ்லிம்களும் சோ்க்கப்படவேண்டும் என்று வலியுறுத்தி வருகிறது. இதுதொடா்பாக ஏற்பட்ட கருத்துவேறுபாடு காரணமாக சமீபத்தில் நடைபெற்ற தில்லி சட்டப்பேரவை தோ்தலில் போட்டியிடப்போவதில்லை என சிரோமணி அகாலி தளம் அறிவித்தது. இது தோ்தலில் பாஜகவுக்கு பின்னடைவை ஏற்படுத்தியது. இந்தபின்னணியில் ஜெ.பி.நட்டா, பாதலை சந்தித்து பேச்சு வாா்த்தை நடத்தியுள்ளது குறிப்பிடத்தக்கது.

Comments are closed.