பெட்ரோல் மற்றும் டீசல் வாகனங்களுக்கு தடை விதிக்கும் திட்டம், மத்திய அரசுக்கு இல்லை’ ஆட்டோமொபைல்’ துறையில் ஏற்பட்டுள்ள சுணக்கம் குறித்து, அரசுக்கு கவலை உள்ளது. இது, வேலை வாய்ப்பு மற்றும் நாட்டின் வளர்ச்சியை கடுமையாக பாதித்துள்ளது. இதை சரி செய்ய, நடவடிக்கைகள் எடுக்கப்பட்டு வருகின்றன. ‘ஆட்டோமொபைல்’ துறையின் விற்பனையை அதிகரிக்கும் பொருட்டு, கார்களுக்கான, ஜி.எஸ்.டி., எனப்படும், சரக்கு மற்றும் சேவை வரியை குறைக்குமாறு, நிதி அமைச்சர், நிர்மலா சீதாராமனிடம் கோரிக்கை வைக்கப்படும்.

நம் நாட்டின், ‘ஆட்டோமொபைல்’ துறை, 4.50 லட்சம்கோடி ரூபாய் மதிப்புகொண்டது. இதன் மூலம், பல லட்சம் பேர், வேலைவாய்ப்பு பெறுகின்றனர். ஏற்றுமதியும் உயர்ந்துள்ளது.

ஆனால், இதில் சிலபிரச்னைகளை அரசு எதிர் கொண்டு வருகிறது. அதில் முதலாவதாக, கச்சா எண்ணெய் இறக்குமதி விலை உயர்வும், அடுத்ததாக, சுற்றுச்சூழல் மாசு அதிகரிப்பும் இருக்கிறது. இதற்கு, வாகனங்களை மட்டும் குறைசொல்ல முடியாது என்றாலும், சுற்றுச்சூழல் மாசுக்கு, ‘ஆட்டோமொபைல்’ துறையும் பொறுப்பேற்க வேண்டியது அவசியம்.

உலகளவில், அதிக காற்றுமாசு உள்ள நகரங்களின் பட்டியலில், டில்லியும் இடம் பிடித்துள்ளது. இந்த பிரச்னையை சமாளிக்க, 50 ஆயிரம் கோடி மதிப்பிலான திட்டம் வகுக்கப்பட்டுள்ளது. டில்லியின் காற்றுமாசு, தற்போது, 29 சதவீதம் குறைக்கப்பட்டுள்ளது.

ஆண்டுதோறும், ஐந்து லட்சம் சாலை விபத்துகள் நிகழ்கின்றன. இதில், பலியாகிறவர்களில், 65 சதவீதம் பேர், 18ல் இருந்து, 35 வயதுக்கு உட்பட்டவர்களாக இருக்கின்றனர். இதைகுறைக்கும் எண்ணத்தில்தான், போக்குவரத்து விதி மீறலுக்கான அபராத தொகை, கடுமையாக உயர்த்தப்பட்டு உள்ளது.

அபராதத்தின் மூலம் பயத்தை உண்டாக்கி, அனைவரையும் விதிகளை பின்பற்றசெய்வதே இதன் நோக்கம். மற்றபடி, மக்களை துன்புறுத்துவது அரசின் நோக்கம் கிடையாது.

சாலை போக்குவரத்து மற்றும் நெடுஞ்சாலைத்துறை அமைச்சர், நிதின் கட்கரி

Comments are closed.