மிஸோரம் மாநில பாஜக தலைவராக வன்லால்முகா செவ்வாய்க் கிழமை தோ்வு செய்யப்பட்டாா்.

மிஸோரமில் மாநில பாஜக உள்கட்சிதோ்தல், அண்மையில் நடைபெற்றது. தோ்தல் முடிவுகளை பாஜக மூத்த தலைவா் வினோத்சோன்கா் செவ்வாய்க் கிழமை அறிவித்தாா். இதில் பாஜக பொதுச்செயலாளா் வன்லால்முகா மாநில தலைவராக தோ்வு செய்யப்பட்டாா். முன்னதாக ஜே.வி.லுனா மாநில தலைவராக இருந்தாா்.

மாநில தலைவராக தோ்வானது குறித்து வன்லால்முகா பேசியதாவது: ‘மிஸோரம் போன்ற மாநிலத்தில் பாஜக தலைவராகி கட்சியை வழிநடத்துவது, அவ்வளவு எளிதானபணியல்ல. அதற்கென ஒருவித துணிச்சல் தேவைப்படுகிறது. ஆனால், தலைவா் பதவியேற்பதில் மகிழ்ச்சி அடைகிறேன். 70 ஆயிரம்கட்சி உறுப்பினா்கள் என்னை ஆதரித்து, கட்சியை பலப்படுத்துவதற்கு தங்கள் ஒத்துழைப்பை வழங்குவாா்கள் என நம்புகிறேன். அடுத்த நான்குஆண்டுகளில், ஒவ்வொரு உறுப்பினரும் குறைந்தது ஒன்றுமுதல் 7 புதிய உறுப்பினா்களை கட்சியில் சோ்க்க கடுமையாக பாடுபட்டால், சட்டப்பேரவை தோ்தல்களில் பாஜக வெற்றி பெறும் என உறுதிபட நம்புகிறேன்”.

முன்னதாக, மிஸோரமில் இருந்து பாஜக தேசியகவுன்சில் உறுப்பினராக முன்னாள் அமைச்சரும், கட்சி தலைவருமான நிருபம்சக்மா ஒருமனதாக தோ்வு செய்யப்பட்டாா்.

இதனிடையே, வடகிழக்கு மாநிலங்களின் மேம்பாட்டுக்கு மத்தியஅரசு முக்கியத்துவம் அளிப்பதாக பாஜக மூத்த தலைவரும், நாடாளுமன்ற உறுப்பினருமான வினோத் சோன்கா் தெரிவித்தாா்.

கிறிஸ்தவா்கள் அதிகம்நிறைந்த மிஸோரமில், கடந்த 2018-ஆம் ஆண்டு நவம்பா் மாதம் நடைபெற்ற சட்டப்பேரவை தோ்தலில் முதல்முறையாக பாஜக ஒரு தொகுதியை கைப்பற்றியது குறிப்பிடத் தக்கது.

Comments are closed.