வருமானவரி செலுத்துவோர் எண்ணிக்கையை 10 கோடியாக அதிகரிக்க நடவடிக்கை எடுக்கவேண்டும் என்று இத்துறை அதிகாரிகளுக்கு பிரதமர் நரேந்திரமோடி இலக்கு நிர்ணயித் துள்ளார்.

வருமான வரித்துறை நிர்வாகிகளுக்கான 2 நாள் வருடாந்திர கருத்தரங்கு டெல்லியில் நேற்று தொடங்கியது. இதை குத்து விளக்கேற்றி தொடங்கி வைத்து, பிரதமர் நரேந்திர மோடி பேசியதாவது:

வருமான வரித்துறை நிர்வாகத்தின் அடித்தளமானது வருவாய், பொறுப்பு, நேர்மை, தகவல், கணினிமய மாக்கம் ஆகிய 5 தூண்களைக் கொண்டதாக இருக்கவேண்டும்.

அனைத்து குடிமக்கள் மத்தியிலும், வருமான வரிச் சட்டத்தை மதிக்கவேண்டும் என்ற எண் ணத்தை உருவாக்க வேண்டும். அதேநேரம் வரிஏய்ப்பு செய் தால் தண்டிக்கப்படுவோம் என்ற அச்சத்தையும் ஏற்படுத்தவேண்டும். பொதுமக்களும் வருமான வரித்துறை அதிகாரிகளைப் பார்த்து அச்சப்படக்கூடாது.

இந்தியர்கள் இயற்கையாகவே நேர்மையானவர்கள். வரியை செலுத்துவதில் அவர்களுக்கு தயக்கம்இல்லை. ஆனால் இதில் அவர்களுக்கு சிலபிரச்சினைகள் இருக்கின்றன. இந்தப் பிரச்சினையை அதிகாரிகள் புரிந்துகொண்டு அதற்கான தீர்வை கண்டுபிடிக்கவேண்டும்.

வரிமானவரி வசூல் இலக்கை எட்டுவதற்காக, வரி செலுத்துவோருக்கும் வருமான வரித்துறைக்கும் இடையே அதிகாரிகள் நம்பிக்கை பாலம் அமைக்கவேண்டும். பொதுமக்களிடம் அதிகாரிகள் கடுமையாக நடந்து கொள்ளாமல் மென்மையாக நடந்துகொள்ள வேண்டும். அனை வரையும் வரி ஏய்ப்பாளர்களைப் போல கருதக்கூடாது.

வருமான வரி செலுத்துவோர் எண்ணிக்கை இப்போது 5.43 கோடியாக உள்ளது. இதை இருமடங்காக (10 கோடி) அதிகரிக்க அதிகாரிகள் நடவடிக்கை எடுக்கவேண்டும்.

கணக்கில் காட்டாத வருமானத்தை (கருப்பு பணம்) சிலர் பதுக்கி வைத்துள்ளனர். இவர்களை வருமான வரித்துறை அதிகாரிகள் நட்பு ரீதியாக அணுகினால், அந்தப்பணத்துக்கான வரி தானாக அரசுக்கு கிடைக்கும். இவ்வாறு அவர் தெரிவித்தார்.

இந்நிகழ்ச்சியில் மத்திய நிதியமைச்சர் அருண்ஜேட்லி, இணையமைச்சர் ஜெயந்த் சின்ஹா மற்றும் வருமான வரித்துறை உயர் அதிகாரிகள் உள்ளிட்டோர் கலந்து கொண்டனர்.

Leave a Reply