திரு.வாஜ்பாய் என்றவுடன் பலருக்கும் அவருடைய பல சிறப்பாம் சங்கள் நினைவிற்கு வரலாம்.அவருடைய SHARP REFLEXES என்னை மிகவும் கவர்ந்தது உண்டு.

விரசமில்லாத நகைச்சுவை உணர்வு..அவரின் சிறப்பு !

* ஒரு முறை திரு.ராஜீவ் காந்தி அவர்கள் பிரதமராக இருந்த போது,பா.ஜ.க.கூட்டம் ஒன்றில் திரு.வாஜ்பாய் அவர்கள் கலந்துக் கொண்டார்.

அவருக்கு முன்னால் பேசிய பலரும் பேசும் போது, " எதிர்கால பிரதமர் வாஜ்பாய் அவர்களே " என்று விளித்து பேசினார்கள்.

திரு.வாஜ்பாய் அவர்கள் பேசும் போது கூறினார் : " இங்கு எனக்கு முன்னால் பேசிய பலர் என்னை எதிர்கால பிரதமர் என்று விளித்து பேசினார்கள்.நான் எப்படி பிரதமர் ஆக முடியும்,என் தாத்தா பிரதமராக இருந்ததில்லை,அம்மா பிரதமராக இருந்ததில்லை,குறைந்த பட்சம் எனக்கு விமானம் ஓட்ட தெரியுமா என்றால் அதுவும் இல்லை,நான் சாதாரண விவசாய குடும்பத்தில் பிறந்தவன்.." என்றாரே பார்க்கலாம், எழுந்த கரகோஷம் அடங்க வெகு நேரம் பிடித்தது !

* திருமதி பெனாசிர் பூட்டோ பாகிஸ்தான் பிரதமராக இருந்த போது ஒரு சந்தர்ப்பத்தில் கூறினார் : " Pakistan is incomplete without Kashmir.அதாவது காஷ்மீர் இல்லாது பாகிஸ்தான் முழுமை பெறவில்லை என்று.

அப்போது எதிர்கட்சியில்தான் திரு.வாஜ்பாய் இருந்தார்.

அவர் கூறினார்." If Benazir Bhutto feels that Pakistan is incomplete without Kashmir,let me make it very clear to her that India is incomplete without Pakistan ".

காஷ்மீர் இல்லாது பாகிஸ்தான் முழுமை பெறவில்லை என்று திருமதி பெனாசிர் பூட்டோ கூறுவாரேயானால் நான் அவருக்கு தெளிவுப்படுத்துகிறேன்,பாகிஸ்தான் இல்லாது இந்தியா முழுமை பெறவில்லை !

* ஒரு முறை திரு.கருணாநிதி அவர்கள் " திரு.வாஜ்பாய் அவர்கள் நல்லவர்தான்,ஆனால் அவர் இருக்கும் இடம்தான் சரியில்லை " என்றார்.

இது பற்றி திரு.வாஜ்பாய் அவர்களிடம் பத்திரிகையாளர்கள் கேட்ட போது.திரு.வாஜ்பாய் கூறினார் : " திரு.கருணாநிதி கூறுவது எப்படி இருக்கிறது என்றால்,மாம்பழம் நன்றாக இருக்கிறது,ஆனால் அதை கொடுத்த மாமரம் நன்றாக இல்லை என்பது போல "

நன்றி கண்ணன்

Leave a Reply