அமெரிக்காவின் 11 முன்னணி தொழிலதிபர்களை, காலை உணவின்போது பிரதமர் நரேந்திர மோடி சந்தித்து பேசினார் அமெரிக்க அதிபர் ஒபாமாவை சந்திப் பதற்காக வாஷிங்டன் செல்வதற்கு முன்பாக, நியூயார்க்கில் இன்று காலை அமெரிக்காவின் 11 முன்னணி தொழிலதி பர்களுடன் மோடி கலந்துரையாடினார்.

காலை உணவின்போது இந்தசந்திப்பு நிகழ்ந்தது. இந்த சந்திப்பில், கூகுள் நிறுவனத்தின் எரிக்ஸ்மித், பெப்சி நிறுவனத்தின் இந்திராநூயி, கார்லே நிறுவனத்தின் டேவிட் ருபன்ஸ் டெயின், சிட்டிகுரூப் நிறுவன தலைவர் மிக்கேல் கோர்பட், கேட்டர்பில்லர் நிறுவனத்தின் டக் ஓபரல்மென், ஹாஸ்பிரா நிறுவனத்தின் மிக்கேல்பால், மெர்க் அண்டு கோ நிறுவனத்தின் பிரேசியர் உள்ளிட்டோரும் அடக்கம்.

இதுதவிர, முக்கிய 6 முக்கிய நிறுவன தலைவர்களான, போயிங் நிறுவன தலைவர் ஜேம்ஸ்மெக் நெர்னி ஜூனியர், பிளாக்ராக் நிறுவன தலைவர் லாரன்ஸ் பிங்க், ஐபிஎம்., நிறுவவனத்தின் தலைவர் கின்னி ரோமெட்டி, ஜெனரல் எலக்ட்ரிகல் நிறுவன தலைவர் ஜெப்ரி இமெல்ட், கோல்டு மென் சாக்ஸ் நிறுவனத்தின் தலைவர் லாய்ட் பிளான்க் பெயின், கோல்பெர்க் கிராவிஸ் ரோபர்ட்ஸ் நிறுவன தலைவர் ஹென்ரி கிராவிஸ் ஆகியோருடன் மோடி, 15 முதல் 20 நிமிடநேரம் தனித்தனியே சந்தித்து பேசினார்.

இந்நிறுவன தலைவர்களுடன் மோடி பேசும்போது, ஆசியாவிலேயே இந்தியாதான் முதலீட்டுக்கு ஏற்ற இடம் என்றும், அதிகளவில் வேலைவாய்ப்புகளை உருவாக்க உற்பத்திதுறையில் பெருமளவு வெளிநாட்டு முதலீடுகளை இந்தியா எதிர்பார்ப்பதாகவும் தெரிவித்தார்.

Leave a Reply