நாடாளுமன்ற இறுதிக்கட்ட தேர்தல் ஞாயிற்றுக்கிழமை நடக்கிறது. இதற்கான பிரசாரம் இன்றுமாலை முடிவடைந்தது. கடைசி கட்ட தேர்தல் பிரசாரத்தை மத்தியபிரதேச மாநிலம் கார்கோன் நகரில் பிரதமர் நரேந்திரமோடி மேற்கொண்டார். அப்போது அவர் பேசுகையில், மீண்டும் மோடி அரசுதான் வரும் என்று காஷ்மீர் முதல் கன்னியா குமரி வரை, கட்ச் முதல் காம்ருப்வரை ஒட்டுமொத்த நாடும் சொல்கிறது.

இந்ததேர்தலில், 300 தொகுதிகளுக்கு மேல் பா.ஜனதா தலைமையிலான தேசிய ஜனநாயக கூட்டணி வெற்றிபெறும். என்னை மீண்டும் பிரதமர் ஆக்க முடிவு எடுத்ததற்காக மக்களுக்கு நன்றி தெரிவித்து கொள்கிறேன். 130 கோடி மக்களின் விருப்பத்தேர்வு, பா.ஜனதா கூட்டணிதான். இந்த ஞாயிற்று கிழமை நீங்கள் ஓட்டு போட போகும் போது, புதிய சரித்திரம் எழுதப் போகிறீர்கள்.

கடந்த சில பத்தாண்டுகளுக்கு பிறகு, தொடர்ச்சியாக 2–வது தடவையாக பெரும் பான்மை அரசை தேர்ந்தெடுக்க போகிறீர்கள். முந்தைய தேர்தல்களில் இருந்து இந்ததேர்தல் வேறுபட்டது. முன்பெல்லாம் இந்தியமக்கள் ஏதேனும் ஒரு கட்சிக்காக வாக்களிப்பார்கள். இந்ததேர்தலில் நாட்டுக்காக ஓட்டளிக்கிறார்கள். புதிய இந்தியாவை உருவாக்க ஓட்டுபோடுகிறார்கள் எனக் கூறினார்.

Comments are closed.