பிகார் முதல்வர் நிதீஷ் குமார் ஒரு சிறந்த நடிகர் என்று லோக் ஜன சக்தி கட்சித் தலைவரும், மத்திய அமைச்சருமான ராம்விலாஸ் பாஸ்வான் கிண்டலாகத் தெரிவித்தார்.

இதுகுறித்து பிகார் தலைநகர், பாட்னாவில் செய்தியாளர்களிடம் அவர் தெரிவித்ததாவது:

பிகார் மாநிலத்தில் குற்றச்சம்பவங்கள் நிகழாமல் நிதீஷ்குமார் தடுப்பார் என்ற நம்பிக்கையில் அவருக்கு மக்கள் வாக்களித்து வெற்றிபெற செய்தனர். ஆனால், மாநிலத்தில் கொலை, கொள்ளை அதிகரித்ததுடன் போலீஸாருக்கே பாதுகாப்பு இல்லா சூழல் நிலவுகிறது.

இந்நிலையில், அடுத்த மக்களவை தேர்தலில் நிதீஷ்குமாரை பிரதமர் வேட்பாளராக முன்னிறுத்த போவதாக ஜனதா கட்சிகள் தெரிவித்துள்ளன. முதலில் பிகாரில் சட்ட-ஒழுங்கை நிலைநாட்ட அவர் முயற்சிக்கட்டும். அதன்பிறகு தேசிய அளவிலான அவரது லட்சியத்தை முன்னெடுக்கலாம்.

பாஜக அல்லாத இந்தியாவை உருவாக்குவோம் என நிதீஷ் கூறிவருகிறார். சுமார் 17 ஆண்டுகளாக பாஜக.,வுடனும், ஆர்எஸ்எஸ் அமைப்புடனும் கூட்டணி வைத்திருந்த போது இந்த ஞானோதயம் அவருக்கு வரவில்லையா?

நிதீஷின் இத்தகைய தேர்ந்தநடிப்பை அனைவரும் பாராட்ட வேண்டும். பிகாரில் மதுவிலக்கை தற்போது அமல்படுத்தியுள்ள அவர், இதற்குமுன்னர் பல ஆண்டு காலமாக தெருவுக்குத்தெரு மதுக்கடைகளைத் திறக்க வழிவகுத்தவர் என்பதை மறக்கக்கூடாது என்றார் ராம்விலாஸ் பாஸ்வான்.

Leave a Reply

Your email address will not be published.

This site uses Akismet to reduce spam. Learn how your comment data is processed.