பசுமைப்புரட்சி என்ற பெயரில் ஏற்கப்பட்ட கொள்கைகளால் விவசாய பொருள்களுக்காக பன்னாட்டு நிறுவனங்களை சார்ந்து இருக்கும்நிலைக்கு விவசாயிகள் தள்ளப்படுகின்றனர் என்று ஆர்எஸ்எஸ் அமைப்பு குற்றம் சாட்டியுள்ளது.


 மத்தியப் பிரதேச மாநிலம், நினோராவில் சனிக்கிழமை நடைபெற்ற விவசாயம் தொடர்பான கருத்தரங்கத்தில் கலந்துகொண்டு ஆர்எஸ்எஸ் அமைப்பின் பொதுச்செயலாளர் சுரேஷ் ஜோஷி பேசியதாவது:


 கடந்த 60 ஆண்டுகளாக நவீனவிவசாய முறைகளை ஏற்றுக்கொண்ட நாம் அதிலிருந்து என்ன சாதித்தோம் என்பதை தீவிரமாக ஆராய்ந்து பார்க்கவேண்டும். இயந்திரமயமாக்கலை நாம் ஆதரிக்கமுடியாது, ஏனெனில் இந்த முறையிலான விவசாயத்தால், விதைகள், உரங்கள் உள்ளிட்ட விவசாய பொருள்களைப் பெறுவதற்காக விவசாயிகள் பன்னாட்டு நிறுவனங்களை சார்ந்திருக்கும் நிலைக்குத் தள்ளப் படுகின்றனர்.


 பசுமைப்புரட்சி என்ற பெயரில் நாம் ஏற்றுக்கொள்ளும் கொள்கைகளால் தான் இந்த நிலை ஏற்படுகிறது.
 விவசாயக் கொள்கைகளை வகுக்கும் போது நாட்டின் பல்வேறு பகுதிகளின் பருவகால நிலைகளையும் அரசு கருத்தில்கொள்ள வேண்டும்.


 தற்போதைய நிலையை மனதில்கொண்டு, பழமையான விவசாயமுறை மற்றும் நவீன விவசாயமுறை ஆகிய இரண்டையும் பயன் படுத்தி வளமான திட்டங்களை உருவாக்குவது, வேளாண் விஞ்ஞானிகள் மற்றும் கொள்கை இயற்று பவர்களின் கடமையாகும் என்றார் சுரேஷ் ஜோஷி.

Leave a Reply