மோடி அரசில் ரூ.46 ஆயிரம்கோடி ஊழல் நடந்து இருப்பதாக காங்கிரஸ் குற்றம்சாட்டியதற்கு நிதி மந்திரி அருண்ஜெட்லி ‘சுயகோல்’ அடித்தற்கு ஒப்பானதாக உள்ளது பதிலடி தந்துள்ளார்.

டெல்லியில் நேற்று முன்தினம் நிருபர்களுக்கு பேட்டியளித்த காங்கிரஸ் செய்தித்தொடர்பாளர்கள், ‘‘2006 முதல் 2010–ம் ஆண்டுவரை ஏர்டெல், வோடபோன், ஏர்செல் உள்ளிட்ட 6 தொலைத்தொடர்பு நிறுவனங்கள் தங்கள் வருமானத்தை குறைத்துகாண்பித்து இருப்பதை மத்திய தலைமை கணக்கு தணிக்கை அதிகாரி கண்டு பிடித்தார். இதனால் ரூ.46 ஆயிரம் கோடி வரை மத்திய அரசுக்கு இழப்பு ஏற்பட்டுஇருக்கிறது. இந்த நிறுவனங்கள் செலுத்தவேண்டிய கட்டணங்களை செலுத்தாமல் தவிர்க்க மத்தியஅரசு உதவுகிறது. ஊழலை பற்றிபேசும் மோடி அரசு ஊழலை மறைக்கப் பார்க்கிறது’’ என்று குற்றம்சாட்டினர்.

இதை நிதிமந்திரி அருண்ஜெட்லி தனது முகநூலில் கிண்டல் செய்துள்ளார். அதில் அவர் கூறி இருப்பதாவது:–

தேசிய ஜனநாயக கூட்டணி ஆட்சியில் தொலைத் தொடர்புத் துறையில் ரூ.46 ஆயிரம்கோடி ஊழல் நடந்தது என்று காங்கிரஸ் குற்றம்சாட்டி இருப்பது அக்கட்சி விளையாட்டில் ‘சுயகோல்’ அடித்தற்கு ஒப்பானதாக உள்ளது. காங்கிரஸ் இதில் மனதைசெலுத்தாமல் இந்த குற்றச்சாட்டை கூறி இருக்கிறது.

தலைமை கணக்கு தணிக்கை அதிகாரி அறிக்கை தொலைத்தொடர்பு துறைக்கு இந்த ஆண்டு பிப்ரவரி மாதம் கிடைத்தது. அதற்கு ஆதாரமான ஆவணங்கள் கடந்தமாதம் கிடைக்கப்பெற்றன. இதன் மீதான அடுத்தகட்ட நடவடிக்கை குறித்து ஆய்வுசெய்யப்பட்டு வருகிறது.

பாராளுமன்ற நடைமு றைப்படி தலைமை கணக்குதணிக்கை அதிகாரியின் அறிக்கை தற்போது பொதுக் கணக்கு குழுவிடம் நிலுவையில் உள்ளது. இதில் தற்போது எழும் கேள்வி என்ன?… இந்த ஊழல் தேசியஜனநாயக கூட்டணி ஆட்சியின் போதா நடந்தது? இந்த முறைகேடு நடந்தபோது காங்கிரஸ் தலைமையிலான ஐக்கிய முற்போக்கு கூட்டணி அரசுதானே அதிகாரத்திலிருந்தது. எனவே, காங்கிரஸ் அரசுதான் இதை (ஊழல்) அனுமதித்து இருக்கிறது. என்றாலும் அவர்கள்செய்த தவறுக்கு நிச்சயமாக தற்போதைய அரசு நடவடிக்கை எடுக்கும் இவ்வாறு அதில் கூறப்பட்டு இருந்தது.

Leave a Reply