தென்னாப்பிரிக்கா சென்றிருந்த பிரதமர் நரேந்திரமோடி, மகாத்மா காந்தியை நிறவெறி காரணமாக வெள்ளையர்கள் நடுவழியில் இறக்கிவிட்ட ரயில் நிலையத்துக்கு சென்று  ரயிலில் பயணம் செய்துள்ளார்.

பென்ட்ரிச் ரயில் நிலையத்திலிருந்து பீட்டர் மாரிட்ஸ்பர்க் ரயில் நிலையத்துக்கு (15 கி.மீ.), காந்தி பயணம்செய்தது போன்ற ரயிலில் பயணம் செய்தார்

காந்தியை நடுவழியில் இறக்கிவிட்ட பீட்டர்மாரிட்ஸ்பர்க் ரயில் நிலையத்தை மோடி பார்வை யிட்டார். பின்னர் அந்த ரயில் நிலை யத்தில் காந்தியின் வாழ்க்கை வரலாறு தொடர்பான கண்காட்சியையும் தொடங்கிவைத்தார். நிறவெறிக்கு எதிரான காந்தியின் போராட்டத்துக்கு மரியாதைசெலுத்தும் வகையில் இந்தப்பயணம் அமைந்தது.

தென்னாப் பிரிக்காவில் வசித்துவந்த காந்தி, கடந்த 1893-ம் ஆண்டு ஜூன் 7-ம்தேதி டர்பன் நகரிலிருந்து பிரிடோரி யாவுக்கு ரயிலில் முதல்வகுப்பில் பயணம் செய்தார். கருப்பினத்தை சேர்ந்தவர் என்பதால் அந்த பெட்டியிலிருந்து வெளியேறி 3-ம் வகுப்பில் பயணிக் குமாறு காந்தியை வெள்ளையர்கள் கேட்டுக் கொண்டனர்.

தான் முதல் வகுப்புக்கான டிக்கெட் வைத்திரு ப்பதாகக் கூறி, இதற்கு மறுப்புதெரிவித்த காந்தியை பீட்டர் மாரிட்ஸ்பர்க் ரயில் நிலையத்தில் நள்ளிரவில் வலுக்கட்டாயமாக இறக்கிவிடப்பட்டார்.

இந்த சம்பவத்தால் கொதித் தெழுந்தகாந்தி, தென்னாப் பிரிக்காவில் ஆங்கிலேயர்களின் நிறவெறிக்கு எதிராகவும் அடக்குமுறையால் பாதிக்கப்பட்ட கருப் பின மக்களுக்கு ஆதரவாகவும் அகிம்சைவழியில் போராட்டத்தை தொடங்கினார். இந்தப் போராட்டம் தான் இந்தியாவில் காந்தி சுதந்திரப் போராட்டத்தில் இறங்குவதற்கு வித்திட்டது என்பது குறிப்பிடத்தக்கது.

Leave a Reply

Your email address will not be published.

This site uses Akismet to reduce spam. Learn how your comment data is processed.