தில்லியில் பிரதமர் நரேந்திரமோடி, வெளியுறவுத்துறை அமைச்சர் சுஷ்மா ஸ்வராஜ் ஆகியோரை சீன வெளியுறவுத்துறை அமைச்சர் வாங் யீ சனிக்கிழமை சந்தித்துப் பேசினார்.

இதுகுறித்து மத்திய அரசு வட்டாரங்கள் கூறியதாவது:

பிரதமர் நரேந்திரமோடி, வாங் யீ இடையேயான சந்திப்பு 20 நிமிடம் நடைபெற்றது. பல்வேறு விவகாரங்கள் குறித்து இருவரும் ஆலோசனைநடத்தினர். அப்போது சீனாவில் வரும் செப்டம்பர்மாதம் நடைபெற இருக்கும் ஜி-20 அமைப்பின்மாநாடு குறித்து வாங் யீ தெரிவித்தார். இதற்கு சீன அதிபருக்கு தனது வாழ்த்துகளை தெரிவிக்கும்படி பிரதமர் கேட்டுக்கொண்டார்.

இதைத்தொடர்ந்து, சுஷ்மா ஸ்வராஜை வாங் யீ சந்தித்துப்பேசினார். 3 மணிநேரம் வரை நீடித்த இந்தச்சந்திப்பில், என்எஸ்ஜி விவகாரம், மசூத் அஸாத் விவகாரம் ஆகியவற்றை சுஷ்மா ஸ்வராஜ் எழுப்பினார். மேலும், பாகிஸ்தான் ஆக்கிரமிப்பு காஷ்மீரில் சீனா மேற்கொண்டுவரும் பொருளாதார முனைய பணிகளுக்கு இந்தியாவின் கவலையை சுஷ்மாஸ்வராஜ் தெரிவித்தார்.

மேற்கண்ட பிரச்னைகளுக்கு தீர்வுகாணும் வகையில், சீனாவுடன் எத்தகைய தொழில்நுட்ப விவகாரங்கள் குறித்தும் பேசத்தயாராக இருப்பதாக வாங்யீயிடம் தெரிவிக்கப்பட்டது. இருதரப்பு உறவுகளில் பல்வேறு அம்சங்கள் குறித்து வெளியுறவுச்செயலர்கள் நிலையில் பேச்சு வார்த்தை நடத்தும் புதிய நடைமுறையை கடைப்பிடிப்பது எனவும் முடிவு செய்யப்பட்டது.

இந்தச்சந்திப்பின்போது, தென் சீனக்கடல் பிரச்னை தொடர்பாக ஆலோசனை நடத்தப்படவில்லை. பேச்சுவார்த்தையின்போது இருதரப்பு விவகாரங்கள், உலகஅரசியல் நிலவரம் ஆகியவற்றுக்கே முக்கியத்துவம் கொடுக்கப்பட்டது. ஒட்டுமொத்தமாக இந்தப்பேச்சுவார்த்தை ஆக்கப்பூர்வமானதாகவும், பயனுள்ளதாகவும், வெளிப்படையானதாகவும் அமைந்திருந்தது என்று மத்திய அரசு வட்டாரங்கள் தெரிவித்தன.

Leave a Reply

Your email address will not be published.

This site uses Akismet to reduce spam. Learn how your comment data is processed.