விவசாயிகளிடம் இருந்து பருப்புவகைகளை மத்திய அரசு நேரடியாகவே கொள்முதல்செய்யும் என்று மத்திய அமைச்சரவைச் செயலர் பி.கே.சின்ஹா கூறியுள்ளார்.


கடந்த சிலமாதங்களுக்கு முன்பு பருப்பு வகைகளின் விலை முன்பு எப்போதும் இல்லாத அளவுக்கு கிலோ ரூ.200-க்கு மேல் அதிகரித்தது. இந்நிலையில் பண்டிகைக்காலம் தொடங்கியுள்ள நிலையில், பருப்பு விலையை கட்டுப்பாட்டுக்குள் வைக்க மத்திய அரசு பல்வேறு நடவடிக்கைகளை எடுத்துள்ளது.இந்நிலையில், தில்லியில் மத்திய அமைச்சரவைச்செயலர் பி.கே.சின்ஹா தலைமையில் அத்தியாவசியப் பொருள்களின் விலையை முக்கியமாக பருப்புவகைகளின் விலையை கட்டுப்பாட்டில் வைக்க எடுக்க வேண்டிய நடவடிக்கைகள் குறித்து ஆலோசனைக் கூட்டம் நடைபெற்றது.


இதில், நுகர்வோர் விவகாரம், உணவு, வருவாய், வர்த்தகம் உள்ளிட்ட துறைகளைச் சேர்ந்த உயரதிகாரிகள் பங்கேற்றனர். கூட்டத்துக்குப் பிறகு செய்தியாளர்களிடம் பி.கே. சின்ஹா கூறியதாவது:


மத்திய அரசு நிறுவனங்களான தேசிய வேளாண் கூட்டுறவு சந்தைக்கூட்டமைப்பு, இந்திய உணவுக்கழகம், சிறு விவசாயிகள் வேளாண் தொழில் அமைப்பு உள்ளிட்டவற்றின் மூலம் விவசாயிகளிடம் இருந்து பருப்புவகைகளை நேரடியாகக் கொள்முதல் செய்ய முடிவெடுக்கப்பட்டுள்ளது.


மகாராஷ்டிரம், கர்நாடகம் ஆகிய மாநிலங்களில் ஏற்கெனவே இந்த நேரடிக்கொள்முதல் தொடங்கிவிட்டது. இனி தொடர்ந்து பிற மாநிலங்களிலும் கொள்முதல் நடைபெறும்.பண்டிகைக் காலத்தில் நியாயமான விலையில் மக்களுக்கு பருப்பு உள்ளிட்ட பொருள்கள் கிடைப்பதை உறுதிசெய்ய வேண்டும் என்று அனைத்து அரசுத் துறைகளுக்கும் உத்தரவிடப்பட்டுள்ளது என்றார் அவர்.

Leave a Reply

Your email address will not be published.

This site uses Akismet to reduce spam. Learn how your comment data is processed.