தனது 66-வது பிறந்தநாளை கொண்டாடும் பிரதமர் நரேந்திரமோடிக்கு மத்திய மந்திரி பொன்.ராதாகிருஷ்ணன் வாழ்த்து தெரிவித்துள்ளார்.
 
 

வாழ்த்து செய்தியில் கூறியிருப்பதாவது:-ஏழைதாய்க்கு மகனாக பிறந்து இந்திய நாட்டின் பிரதமராக வளர்ந்து உலக தலைவராக உயர்ந்து நிற்கும் பிரதமர் நரேந்திர மோடியின் 66-வது பிறந்தநாளில் அவர் எல்லா நலங்களும், வளங்களும் பெற்று இந்திய நாட்டை உலகின் முதன்மை நாடாக உயர்த்திய பிரதமராக தொடர்ந்துபணியாற்ற அன்னை பராசக்தியை பிரார்த்திக்கின்றேன்.

 
தமிழக நலனில் அக்கறைக் கொண்டு இலங்கையில் தமிழக மீனவர்கள் தூக்குகயிறை முத்தமிடும் வேளையில் மீட்டுவந்து தமிழகத்துக்கு தந்தவர். தமிழகம் முழுவதும் உட்கட்டமைப்பு வசதிகளை மேம்படுத்த பல்லாயிரக் கணக்கான கோடி ரூபாய்களை ஒதுக்கீடுசெய்து தமிழகத்தில் உள்ள மாநகராட்சிகளை ‘ஸ்மார்ட் சிட்டி’களாகவும், நகராட்சிகளை ‘அம்ருத்’ திட்டத்தின்கீழ் மேம்படுத்துவதற்கான உரிய ஒதுக்கீடுசெய்து தந்தவரும் நமது பிரதமர்.
 
 
முல்லைப் பெரியாறு ஆகட்டும், காவிரி நதிநீர் ஆகட்டும், நியாயத்தோடு நின்று வழிநடத்தி வருபவர் பிரதமர் மோடி. தமிழகத்தின் வளர்ச்சிக்காக குமரிமாவட்டம் இனையம் பகுதியில் ரூ.27 ஆயிரத்து 500 கோடி மதிப்பீட்டில் வர்த்தக துறைமுகம் அமைக்கவும் அனைவருக்கும் வீடு திட்டத்தின்கீழ், நகராட்சி, பேரூராட்சி பகுதியில் உள்ள ஏழைகளுக்கு வீடுகட்ட நிதி ஒதுக்கீடு செய்தும், தூய்மை இந்தியா திட்டத்தின் கீழ் தூய்மையான பாரதத்தை உருவாக்கிக் கொண்டிருப்பவர்.
 
மக்கள் நலனில் அக்கறைக்கொண்டு இரண்டே ஆண்டுகளில் ‘ஜன் தன் யோஜனா’, ‘அடல்’ ஓய்வூதிய திட்டம், ‘உஸ்தாத்’ திட்டம், இந்திய மீனவர்கள் நலன்காக்கும் திட்டம், ‘முத்ராவங்கி’ திட்டம், ‘செல்வமகள்’ திட்டம், ‘தீனதயாள் உபாத்யாயா’ ஊரக மின்வசதி திட்டம், ‘ஜீவன் ஜோதி’ ஆயுள் காப்பீடு திட்டம், ‘ஜீவன் சுரக்‌ஷா பீமா’ விபத்து காப்பீடு திட்டம் போன்ற பல நல்ல திட்டங்களை செயல்படுத்தி சாதனை புரிந்த ஒரேபிரதமர் நமது நரேந்திர மோடி என்பதை அனைவரும் அறிவார்கள். அன்னாருக்கு 66-வது பிறந்த நாள் வாழ்த்துகளை எனது சார்பாகவும், தமிழக மக்களின் சார்பாகவும் தெரிவித்துக்கொள்கிறேன்.இவ்வாறு அவர் கூறியுள்ளார்.

Leave a Reply