வரும் 19ம் தேதி நடைபெற உள்ள அரவக்குறிச்சி, தஞ்சை, திருப்பரங்குன்றம் ஆகிய 3 தொகுதிகளுக்கான தேர்தலில் போட்டியிடும் பாஜக வேட்பாளர்கள்பட்டியலை பாஜக தலைமை டெல்லியில் வெளியிட்டுள்ளது.

கடந்த மே மாதம் தமிழகத்திற்கு நடை பெற்ற சட்டப்பேரவை தேர்தலில் அரவக் குறிச்சி மற்றும் தஞ்சை ஆகிய இரண்டு தொகுதிகளிலும் பணப் பட்டுவாடா புகார் எழுந்ததையடுத்து அந்த 2 தொகுதிகளிலும் தேர்தல் ரத்து செய்யப் பட்டது. மேலும், திருப்பரங் குன்றம் தொகுதியின் எம்எல்ஏ சீனிவேல் மரணமடைந்ததையடுத்து அந்ததொகுதியும் காலியாக இருந்தது.

இதனையடுத்து, இந்தியதேர்தல் ஆணையம் வரும் 19ம் தேதி இந்த 3 தொகுதிகளுக்கும் தேர்தலை அறிவித்தது. இதனை தொடர்ந்து, அதிமுக, திமுக ஆகிய 2 கட்சிகளும் தங்களது வேட்பாளர்களை அறிவித்து தேர்தல் பிரச்சாரத்தில் ஈடுபட்டுவருகின்றன. இந்நிலையில், பாஜக சார்பில் போட்டியிடும் 3 வேட்பாளர்களை பாஜக தலைமை டெல்லியில் வெளியிட்டுள்ளது. அதன் படி, அரவக் குறிச்சி தொகுதியில் எஸ்.பிரபுவும், தஞ்சாவூர் தொகுதியில் எம்.எஸ். ராமலிங்கமும், திருப்பரங் குன்றத்தில் பேராசிரியர் சீனிவாசனும் போட்டியிடுவார்கள் என்று அறிவிக்கப்பட்டுள்ளனர்.

Leave a Reply