கருப்பு பண ஒழிப்பு என்று 1000, 500 ரூபாய் நோட்டுக்களை செல்லாது என்று அறிவித்தது ஏற்றுக்கொள்ள முடியாது, இது குறித்து நான் பாராளுமன்றத்தில் பேசினால் பூகம்பம் வெடிக்கும் என்று பேசி காமடி செத்துள்ளர் காங்கிரஸ் துணைத்தலைவர் ராகுல் காந்தி.

ஆனால் உண்மையில் நரேந்திர மோடியின் கருப்பு பண ஒழிப்பு காங்கிரஸ் கட்சிக்குள் பூகம்பத்தை ஏற்ப்படுத்தியுள்ளது. கஷ்ட்டப்பட்டு ஊழல் செய்து மறைத்து வைத்திருந்த பணம் எல்லாம் இப்படி காகிதமாகிவிட்டதே என்ற பூகம்பம் அது!, அவ்வப்போது கைக்கொடுத்த சாரதா சிட்பண்ட் மோசடி பணம், நக்சலைட்டுகளின் பணம் எல்லாம் போச்சே என்ற பூகம்பத்தை மம்தா பேனர்ஜிக்கு ஏற்ப்படுத்தியுள்ளது, டெல்லி, பீகார், மேற்கு வங்காளம் என்று பேரணிகளை நடத்தி மிரட்டி மக்களின் ஆதரவின்றி ஓய்ந்தும விட்டார் அவர்.

விரைவில் தேர்தல் மையம் கொள்ள உள்ள  உ.பி.,யிலோ இது வரை சேர்த்த ஊழல் கருப்பு பணத்தையும், சீட்டை நோட்டுக்கு விற்று வசூல் செய்த பணத்தையும் என்ன செய்வது, செல்லாத பணத்தை வைத்து எப்படி ஓட்டை விலைக்கு வாங்குவது என்ற பயம் முலாயம் சிங் மற்றும் மாயாவதிக்கு ஒருசேர வந்து பூகம்பத்தை ஏற்ப்படுத்தியுள்ளது.

இது ஒருபுறம் என்றால் தீவிரவாதிகள் முதல் பிட் பாக்கெட்டுகள் வரை இந்த பூகம்பத்தில் இருந்து தப்பவில்லை காஸ்மீரில் தினம் ரூ 500 கள்ள நோட்டை  ஊதியமாக பெற்று கல்லெறிந்த இளைஞர்கள் எல்லாம் இன்று நல்லவர்களாக ஆகிவிட்டார்கள். அங்கு இப்போது பெல்லட் குண்டுகள் வெடிப்பதில்லை. நாடு முழுவதும் 65 சதவீதம் வரை குற்றங்கள் குறைந்துள்ளன. நாட்டின் பல் பகுதிகளில் பதுங்கி இருந்த ரவுடிகளும், தாதாக்களும் பிழைப்பு நடத்த முடியாமல் கைதாகி வருகின்றனர். இப்படி மோடி தனது செயலின் மூலம் பலருக்கும் பல விதத்தில் பூகம்பத்தைத்தான் தந்துள்ளார்.

 

ஆனால் 40 சதவித நாட்கள் கூட பாராளுமன்றத்துக்கு சரியாக வந்திராத  ராகுல் காந்தி!, அப்படியே வந்தாலும் பெரும்பாலான நாட்களை  தூங்கியே கழித்த ராகுல் காந்தி!!. தான் பேசினால் பூகம்பம் வரும் என்கிறார். அவர் சரியாக வந்தாலே!, அவை நடவடிக்கைகளை தூங்காமல் கவனித்தாலே பூகம்பம் தான், அவர் பேச வேண்டியதில்லை.       

தமிழ்த் தாமரை VM வெங்கடேஷ்

Leave a Reply