ப. சிதம்பரம் சொல்கிறார்,  ஒரு விவசாயி இருந்தானாம், அவனிடம் 5000 ரூபாய் இருந்ததாம், விவசாயத்திற்கு வரிவிலக்கு இருக்கிறதாம், அதனால் அவனிடம் இருந்தது வெள்ளைப் பணமாம்.

மருத்துவம் செய்து கொள்வதற்காக ஒரு மருத்துவரிடம் சென்றானாம், மருத்துவர் 2000 ரூபாய் கட்டணமாக வாங்கினாராம், அவர் அதை கணக்கில் காட்டவில்லையாம். அது கருப்பு பணம்.

அந்த டாக்டர், குடும்பத்தோடு ஹோட்டலுக்கு சாப்பிட சென்றாராம். அங்கு 2000 ரூபாய்க்கு அவர்கள் சாப்பிட்டார்களாம். அதற்கு பில் வாங்கிக் கொண்டார்களாம். அதனால் அது வெள்ளைப் பணமாக மாறிவிட்டதாம்.

இப்படித்தான் கருப்பு வெள்ளையாகவும், வெள்ளை கருப்பாகவும் மாறிக் கொண்டே இருக்குமாம்.

திறமையாக சொல்வதாக நினைத்துக்கொண்டு ஒரு விஷயத்தை அழகாக மறைத்திருக்கிறார். அது என்னவென்றால், விவசாயியிடம் இருந்தது வெள்ளைப் பணம். ஹோட்டலில் பில் பெற்றதால் அதுவும் வெள்ளைப்பணம். ஆனால் டாக்டர் அன்றைய நாளில் அந்த 2000 ரூபாய் மட்டும்தான் வருமானம் ஈட்டினாரா? ஒரு நாளில் 100 பேஷண்ட் பார்த்தாலும் 100X2000=2,00,000 ரூபாய் சம்பாதித்திருப்பாரே. அதில் வெறும் 2 ஆயிரம் மட்டும்தானே வெள்ளையாக்கியிருக்கிறார். மீதம் 1,98,000 கருப்பு பணம் தானே?

. உங்களையெல்லாம் நிதி அமைச்சரா வச்சிருந்தா எப்படி நாடு உருப்படும்.

Tags:

Leave a Reply

Your email address will not be published.

This site uses Akismet to reduce spam. Learn how your comment data is processed.