ஜம்மு காஷ்மீர் மாநிலத்தில் கட்டப் பட்டுள்ள இந்தியாவிலேயே மிகநீளமான சுரங்க பாதையை வரும் ஏப்ரல் 2-ம் தேதி பிரதமர் மோடி நாட்டுக்கு அர்ப் பணிக்கிறார்.

ஜம்மு – நகர் தேசியநெடுஞ்சாலையில் 286 கி.மீ. தூரத்துக்கு நான்கு வழிப்பாதை அமைக்கும் பணி கடந்த 2011-ம் ஆண்டு மே மாதம் 23-ம் தேதி தொடங்கியது. இந்தத்திட்டத்துக்கு ரூ.3,720 கோடி செலவிடப்பட்டுள்ளது. இந்த நான்கு வழிச் சாலைபணிகள் முடியும் தருவாயில் உள்ளன. இந்த சாலையின் ஒருபகுதியாக நாட்டிலேயே மிக நீளமான சுரங்கப்பாதை கட்டி முடிக்கப்பட்டுள்ளது. இந்த சுரங்கப்பாதையால் ஜம்முவுக்கும் நகருக்கும் இடையில் 30 கி.மீ. தூரம் குறையும். மொத்தம் 9.2 கி.மீ. நீளத்துக்கு இரு வழி சுரங்கப்பாதை அமைக்கப்பட்டுள்ளது.

இதுகுறித்து பிரதமர் அலுவலக இணை அமைச்சர் ஜிதேந்திரசிங் நேற்று செய்தியாளர்களிடம் கூறும்போது, ‘‘காஷ்மீர் மாநிலத்தில் செனானி நஷ்ரி இடையே கட்டப்பட்டுள்ள சுரங்கப்பாதையை ஏப்ரல் 2-ம் தேதி பிரதமர் நரேந்திர மோடி நாட்டுக்கு அர்ப்பணிக்க உள்ளார்’’ என்றார். அன்றையதினம் நடக்கும் பொதுக்கூட்டத்திலும் மோடி உரையாற்றுகிறார்.

இந்த சுரங்கப்பாதை 1200 மீட்டர் உயரத்தில் அமைந்துள்ளது. சுரங்கப்பாதையில் காற்றோட்டம், தீதடுப்பு, சிக்னல்கள், தகவல்தொடர்பு மற்றும் மின் சாதனங்கள் அனைத்தும் தானாக இயங்கும்வகையில் இந்தியாவிலேயே முதலாவதாக உலகத் தரத்துடன் கட்டப்பட்டுள்ளது.

Leave a Reply