டெல்லி மாநகராட்சி தேர்தல்முடிவுகளில் பாஜக முன்னிலை வகித்துவருகிறது.டெல்லியில் ஆம் ஆத்மி ஆட்சி செய்துவரும் நிலையில், டெல்லி மாநகராட்சிக்கான தேர்தல் வாக்குப் பதிவு கடந்த 23-ம்தேதி நடைபெற்றது.

டெல்லியில் உள்ள 272 வார்டுகளில் 270 வார்டுகளுக்கு நடைபெற்ற இந்ததேர்தலில் 2,886 வேட்பாளர்கள் போட்டி யிட்டனர். இந்ததேர்தலில் பாஜக, காங்கிரஸ் மற்றும் ஆம்ஆத்மி ஆகிய கட்சிகளுக்கிடையே மும்முனைபோட்டி நிலவியது.

இந்நிலையில், டெல்லி மாநகராட்சி தேர்தலில் பதிவானவாக்குகளின் எண்ணிக்கை இன்று காலை முதல் எண்ணப்பட்டு வருகின்றன. காலை 9 மணி நிலவரப்படி, டெல்லி மாநகராட்சி தேர்தலில் பாஜக முன்னிலை வகித்துவருகிறது. பாஜக  185-க்கும் மேற்பட்ட வார்டுகளில் முன்னிலை வகித்துவருகிறது. அதற்கு அடுத்தபடியாக ஆம் ஆத்மி 40 வார்டுகளிலும், காங்கிரஸ் கட்சி 26 வார்டுகளிலும் முன்னிலை வகித்து வருகிறது. சுயேட்சை வேட்பாளர் 1 வார்டில் முன்னிலை வகித்து வருகிறார்.

முன்னிலை நிலவரப்படி டெல்லி மாநகராட்சியை பாஜக கைப்பற்றும் என எதிர்பார்க்கப்படுகிறது. இது டெல்லியின் ஆளும் கட்சியான ஆம் ஆத்மிக்கு கிடைத்த கடும் பின்னடைவாக கருதப்படுகிறது.

Leave a Reply