மஞ்சள் நிறத்துல இருக்குற எலுமிச்சையை உங்களுக்கு நன்றாக தெரிஞ்சிருக்கும். எலுமிச்சை பழம், காய்,இலை என எல்லாமே மருத்துவத்துக்கு பயன்படுது. இதுல செடி, கொடின்னு ரெண்டு வகை இருக்குது. புளிப்புச்சுவை கொண்ட எலுமிச்சை, குளிர்ச்சியானது. பசியைத் தூண்டி, நா வறட்சியைப் போக்கும். இயற்கையாகக் கிடைக்கும் விட்டமின் சி, இதுல நிறைய உண்டு. அதுமட்டுமில்லாம,

 

இரும்புச்சத்து, கால்சியம், மக்னீசியம், மாங்கனீஸ் போன்ற சத்துக்களும் இருக்கு.

வெயில் காலங்கள்ல வெளியில சென்று வந்ததுமே பலருக்கு தலைவலி வந்துடும். எலுமிச்சம் பழத்தோட தோலை நல்லா காயவச்சு, பவுடர் போல அரைச்சு வச்சுக்கணும். தலைவலி வரும்போது இந்தப் பவுடரை தண்ணீர்ல கரைச்சி, வலிக்குற இடங்கள்ல தடவணும். இந்தப் பசை உலரும்போது தலைவலி காணாமப் போயிடும்.

கோடைகாலத்துல வர்ற வியர்க்குரு மற்றும் வேனல் கட்டிகளுக்கு நல்ல மருந்து எலுமிச்சை. எலுமிச்சை சாற்றில் சந்தனத்தை அரைச்சு தடவ, வியர்க்குருவும், வேனல் கட்டியும் சரியாகும். வெயில் நாட்கள்ல ஒழுங்கா தண்ணீர் குடிக்காம இருந்தா நீர்ச்சுருக்கு ஏற்படும். பயங்கரமா எரிச்சல் ஏற்பட்டு, கடுக்கும். குறிப்பா, குழந்தைங்க இந்த மாதிரி அதிகமா அவதிப்படுவாங்க. அந்த சமயத்துல எலுமிச்சை விதைகளை பசை போல அரைச்சி, தொப்புளைச் சுற்றி தடவணும். ஐந்து நிமிடங்களுக்குப் பிறகு அந்த இடத்துல குளிர்ச்சியான தண்ணீரை ஊற்றினா, உடனே எரிச்சல் அடங்கும்

எலுமிச்சை பழம், எலுமிச்சை சாதம், எலுமிச்சை சாறு, எலுமிச்சை அளவு

Leave a Reply

Your email address will not be published. Required fields are marked *