தலைவர்களுக்கு தொலை நோக்கு பார்வை இருக்கவேண்டும் என முன்னாள் ஜனாதிபதி அப்துல்கலாம் தெரிவித்துள்ளார் .

பெங்களூர் தகவல்தொழில்நுட்ப மாநாடு நேற்று தொடங்கியது. இந்தமாநாட்டுக்கு முதல்-மந்திரி சதானந்தகவுடா தலைமை தாங்கினார். முன்னாள் ஜனாதிபதி அப்துல்கலாம் குத்து விளக்கு ஏற்றி மாநாட்டை_தொடங்கி வைத்து உரையாற்றினர் .

இதில் அவர் பேசியதாவது ;

”தகவல் தொழில் நுட்ப துறையில் கடந்த பத்து ஆண்டுகளில் இந்தியா பல்வேறு_புதுமைகளை படைத்து வருகிறது . இதன் மூலமாக இந்தியாவின் மதிப்பு உலகலளவில் உயர்ந்துள்ளது. இருப்பினும் தகவல் தொழில் நுட்பங்கள் இந்திய கிராமங்களை சென்றடைய_வேண்டும்.

தலைவர்கள் தங்களது தனிதிறமையை வளர்த்துகொள்ள வேண்டும். அவர்களுக்கு தொலை நோக்கு பார்வை இருத்தல் வேண்டும். இஸ்ரோவில் நான் விஞ்ஞானியாக பணியாற்றியபோது திட்டம் ஒன்று தோல்வியடைந்தது.

அப்போது இஸ்ரோவின் தலைவரே பத்திரிகை முன்பு விளக்கம் தந்தார் . அதேபோன்று திட்டம் ஒன்று வெற்றியடைந்தபோது என்னை அனுப்பி பத்திரிகையாளர்களை சந்திக்கசெய்தார். தலைமை பதவியிலிருப்பவர்களுக்கு இதைபோன்ற பண்பு இருத்தல் வேண்டும்.

தலைவர்கள் நடு நிலையுடன் நிர்வாகம் செய்யதல வேண்டும்.மேலும் அவர்கள் நேர்மைக்கு முக்கியத்துவம்கொடுக்க வேண்டும். திடமான_முடிவை எடுக்கும் தன்மை இருத்தல் வேண்டும்”என பேசினார்.

{qtube vid:=W39pCp2UuwE}

Leave a Reply