முகுல் ராயின் செயல்பாடு ஆயிர கணக்கானோரின்  உயிரை கேள்வி குறியாகியுள்ளது மத்திய ரயில்வே துறை அமைச்சர் முகுல் ராய் நாடாளுமன்ற கூட்டத்தொடரில் பெரும்பாலான நாட்களில் அவைக்கு வருவதே இல்லை என ஐக்கிய ஜனதா தள தலைவர் சரத்யாதவ் குற்றம் சுமத்தியுள்ளார் .

மேலும் இது குறித்து பேசியதாவது ; ரயில்வே துறை அமைச்சர் முகுல் ராய் தனது அலுவலகத்துக்குகூட சரியாக செல்வதில்லை. இதனால் ரயில்வே துறை மிகவும் மோசமாக உள்ளது. ரயில் தண்டவாளங்கள் மிகமோசமான நிலையில் உள்ளன. எனவே ஆயிர கணக்கான பயணிகளின் உயிர் கேள்வி குறியாகியுள்ளது.

முகுல்ராய் பெரும்பாலும் டெல்லியில் இருப்பதில்லை. எனவே இதுதொடர்பாக திரிணமூல் காங்கிரஸ் தலைவர் மம்தா பானர்ஜியை கேட்டுக்கொள்வதெல்லாம் ஒன்றுதான், ரயில்வே அமைச்சரை வார இறுதிநாள்களில் மட்டும் கொல்கத்தாவுக்கு அழைத்துக்கொள்ளுங்கள். எஞ்சிய நாட்களில் அவர் டெல்லியில் இருந்து செயல்பட அனுமதியுங்கள் என கூறினார்

Tags:

Leave a Reply