ஜாக் கொடியினை வீசி மூவர்ணக் கொடியினை கட்டிப் பறக்க விட்ட; பாஷ்யம் ஐயங்கார் இரண்டு வாரம் சிறை வாசம் அனுபவித்து விட்டு தியாகி பட்டம் சூடிக்கொண்டு திரியும் பல தியாகிகள் இன்று தியாகிகள் பட்டியலில் உள்ளனர். நம்மில் பலருக்கும் தெரியாத ஒரு ஒப்பற்றவரின் சாகஸ வரலாற்றினை தெரிந்துகொள்வோம் .

ஜனவரி 26 சுயராஜ்ய தினம் இந்த ஜனவரி 26 சுயராஜ்ய தினத்தினை தமிழ்நாட்டில் ஒவ்வொரு ஆண்டும் வெறித்தினமாக கொண்டாடி வந்தனர். 1932ஆம் ஆண்டு ஜனவரி 26 நள்ளிரவு வேளையில் சென்னை புனித ஜார்ஜ்க் கோட்டையில் யூனியன் ஜாக் கொடி பறந்து கொண்டிருந்தது.

சிப்பாயைப் போல் காக்கி உடையணிந்த ஒரு உருவம் ராணுவப் பாதுகாப்பு மிகுந்த புனித ஜார்ஜ்க் கோட்டையில் தந்திரமாக உள்ளே நுழைந்தது. இடுப்பில் தானே தயாரித்து வைத்திருந்த மூவர்ணக் கொடி, அதில் "இன்று முதல் பாரதம் சுதந்திரம் அடைந்து விட்டது" என்ற கொட்டை எழுத்துக்கள்.

சுமார் இருநூறு அடி உயரம் கொண்ட அந்த கொடிக்கம்பின் உச்சியினை அடைந்து யூனியன் ஜாக் கொடியினை வீசி எறிந்து தான் தயாரித்த மூவர்ணக் கொடியினை கட்டிப் பறக்க விட்டு, மெல்ல மெல்ல இறங்கி மறைந்து விட்டது அவ்வுருவம்.

மறுநாள் காலை சென்னை நகரமே அல்லோலகல் பட்டது. சூரிய ஒளியில் மூவர்ணக் கொடி பட்டொளி வீசிப் பறக்க, அதனைக் கண்டு ஊர்க்கார்கள் உணர்ச்சி வசத்தில் சிலிர்க்க, அனைவரும் வந்தேமாதரம்! பாரத் மாதா கீ ஜெய்! என்று முழங்க,

இதனைக் கண்டு பிரிட்டீஷார் கோபத்தில் துடிக்க, அப்பப்பா! இறுதி வரை அந்த விஷமத்தை செய்தவரை யாராலும் கண்டு பிடிக்க முடியவில்லை. அந்த விஷமியின் பெயர் கே. பாஷ்யம் ஐயங்கார்.

பின்னாளில் ஆர்யா என்றப் பெயரில் மிகப் பெரும் ஓவியராக வலம் வந்தவர், இன்று நாம் பார்க்கும் பாரதமாதா உருவத்திற்கு முதன்முதலில் வடிவம் கொடுத்தவர், எல்லாவற்றிற்கும் மேலாக ஒரு தமிழர்..

இந்த மாமனிதரை முகநூல் மூலமாக நினைவு கூர்வதில் நான் பெருமை அடைகிறேன்..

வரலாற்று நினைவுகளுடன் ராம்குமார்

Leave a Reply