விநாயகர் சதுர்த்தித் திருவிழா  இந்துக்களின்  எழுச்சி, ஒற்றுமைக்கான  திருவிழா கடந்த 30 ஆண்டுகளாக விநாயகர் சதுர்த்தித் திரு விழாவினை இந்துக்களின் எழுச்சி, ஒற்றுமைக்கான திருவிழாவாக சமுதாய விழாவாக இந்துமுன்னணி நடத்தி வருகிறது. சமுகத்தில் ஏற்பட்டுள்ள ஜாதி, மொழி, அரசியல் உளிட்ட பல் வேறு பெயர்களில் ஏற்பட்டுள்ள பிரிவுகளைக்களைந்து இந்து_சமுதாயத்தை ஒன்றிணைக்க வேண்டும் எனும் எண்ணத்தில் இந்தவிழா தமிழகம் முழுவதும் மிகசீரும் சிறப்புமாக நடைபெற்று வருகிறது.

இந்த விழாவில் ஒவ்வொரு பேட்டையிலும் விநாயகர்_திருமேனி வைத்து கூட்டாக வழிபாடுநடத்தி முடித்து, ஒன்றாக இணைந்து விசர்ஜன ஊர்வலத்தில் குடும்பததோடு கலந்து கொள்வதன்மூலம் சமுதாய ஏற்றத் தாழ்வு சரி செய்யப்படுகிறது. இதில் தீண்டாமை ஒழிப்பு முக்கியத்துவம்பெறுகிறது.

விநாயகர் சதுர்த்திப் பெரு விழாவிற்குப் பொது மக்களிடையே அதிக உற்சாகமும், உத்வேகமும் ஏற்பட்டுள்ளது. தமிழகமெங்கும் சுமார் 15000க்கும் அதிகமான இடங்களில் இவ் விழாவானது ஏற்பாடு செய்யப்பட்டுள்ளது.

இந்த ஆண்டு விநாயகர்சதுர்த்தி விழாவின் மையக்கருத்தாக எல்லோரும் சமமாக_கோயில்களில் சுவாமியை வழிபட வேண்டும். இதற்காக கோவில்களில் வசூலிக்கப்படும் தரிசனக்கட்டணத்தை அரசு ரத்துசெய்ய வேண்டும் என்பது வலியுறுத்தப்படும்.

சென்னையில் விசர்ஜன ஊர்வலமானது வரும் 23-9-2012 ஞாயிறு மதியம் தொடங்கி பட்டினப் பாக்கம் சீனிவாச புரம் கடற்கரையில் இந்துஎழுச்சி விழாவாக நிறைவுபெறும். இதற்கான ஏற்பாடுகளை வட்டம், தொகுதி, மாவட்டம், மாநகரம் முதலான அனைத்து பொறுப்பாளர்களும் செவ்வனேசெய்து வருகிறார்கள். விசர்ஜன ஊர்வலத்திலும் நிறைவு_நிகழ்ச்சியிலும் பொது மக்கள் குடும்பத்தோடு கலந்து கொள்ள இந்து முன்னணி அழைப்புவிடுக்கிறது.

இந்த விழா தமிழகமெங்கும் சிறப்பாக நடைபெறவும், விசர்ஜன ஊர்வலம் நல்ல முறையில் நடை பெறவும் காவல் துறையும், தமிழக அரசும், தமிழக அரசு அதிகாரிகளும் தகுந்தஏற்பாடுகளை செய்து ஒத்துழைப்பு தருவார்கள் என்று நம்புகிறோம் என் இந்து முன்னணி நிறுவன அமைப்பாளர்
இராம கோபாலன் கருத்து தெரிவித்துள்ளார்

Leave a Reply