அனைத்து பிரச்சனைகளுக்கும் வளர்சி ஒன்றே தீர்வு‘ஒரே இந்தியா- தலை சிறந்த இந்தியா’ என்பது தான் தமது முதன்மை தாரகமந்திரம், அனைத்து பிரச்சனைகளுக்கும் வளர்சி ஒன்றே தீர்வு என குஜராத் முதல்வர் நரேந்திரமோடி அறிவித்துள்ளார்.

OFBJP “என்ற அமெரிக்காவில் வாழும் பா.ஜ.க. நண்பர்கள்”அமைப்பினருக்காக வீடியோ கான்பரன்ஸின் மூலம் அவர் இன்று உரை யாற்றினார்.

அவர் தமது உரையில், என்னைப் பொறுத்த வரையில் ஒரேஇந்தியா- தலை சிறந்த இந்தியாவை உருவாக்கவேண்டும் என்பது தான் தாரகமந்திரம். மதச் சார்பின்மைக்கான விளக்கம் என்ன வென்று கேட்டால் ‘முதலில் இந்தியா’ மற்றவை யெல்லாம் பிறகு தான்.

நாம் எதைச் செய்தாலும் இந்தியாவுக்கானதாகவே அது இருக்கவேண்டும். நாம் எங்கு வசித்தாலும் நமதுகலாச்சாரம், பாரம் பரியத்தை நினைவில் கொள்ளவேண்டும்.

வெளிநாடுவாழ் இந்தியர்கள் தங்களால் ஆன அனைத்து வகையிலும் உதவவேண்டும். இந்தியாவை பார்த்திராத இந்திய வம்சாவழி குழந்தைகள் தற்போது இந்தியாவில் சமூகசேவைகளில் ஈடுபடுத்திக் கொள்கின்றனர். இது ஒருநல்ல அம்சம்.

கடந்த 30 ஆண்டுகளாக 21-ம் நூற்றாண்டை எந்தநாடு தலைமை ஏற்று நடத்திச்செல்லும் என்ற கேள்வி இருந்து வருகிறது. 19ஆம் நூற்றாண்டு ஐரோப்பாவின்வசம் இருந்தது. நாம் காலனி நாடாக இருந்திருந்தால் நிலைமை வேறாக இருந்திருக்கும். நாம் காலனித்துவநாடாக இருந்ததால் அந்த வாய்ப்பு நம்கைகளில் இருந்து நழுவிப் போனது.

20-ம் நூற்றாண்டில் தமது செல்வாக்கை அதிகரித்து கொண்டிருந்த நேரத்தில் மகாத்மாகாந்தி தலைமையில் நாம் தேசவிடுதலைக்காகப் போராடிக் கொண்டிருந்தோம். இப்போது இந்த 21-ம் நூற்றாண்டு ஆசியாவின் கைகளிலிருக்கிறது. வாஜ்பாய் நாட்டின் பிரதமராக இருந்தபோது இந்தியாவால் சில விஷயங்களை செய்யமுடிந்தது.

இந்தியா அணு ஆயுத சோதனையை நடத்தியது. இதன் மூலம் இந்தியாவிலும் வெளி நாட்டிலும் நமது நாட்டின் வல்லமை மீதான நம்பிக்கை புதுப்பிக்கப் பட்டது. அந்த நிலை நீடித்திருந்தால் இந்தியாவின் கைகளில் உலகம் இருந்திருக்கும்.

ஆனால் கடந்த 6-7 ஆண்டுகாலமாக அப்படி எதுவும் நடக்கவில்லை . இந்த இருட்டானநிலையில் உலகத்தின் கவனத்தை குஜராத் மாநிலம் ஈர்த்து ஒருநம்பிக்கை ஒளிக்கீற்றை உருவாக்கி இருக்கிறது.

அமெரிக்கா உள்ளிட்ட பல நாடுகளை பொருளாதாரநெருக்கடி பதம் பார்த்தது. ஆனால் குஜராத் மாநிலமோ ஒரு போதும் வளர்ச்சிப் பணிகளை நிறுத்திக்கொண்டதே இல்லை. குஜராத்தை தொழில் துறையினர் விரும்பும் மாநிலமாக உருவாக்கினோம். அனைத்து பிரச்சனைகளுக்கும் வளர்சி ஒன்றே தீர்வு .

இதை குஜராத் மாநில சட்டசபை தேர்தல் முடிவுகள் வெளிப்படுத்தின. சட்டசபை தேர்தல் வெற்றி என்னுடையது அல்ல.. குஜராத் மக்களுடையது. இன்றைய உலகம் குளோபல் வார்மிங் பற்றி பேசுகிறது. நமது வழிபாட்டு முறையே இயற்கை சார்ந்தது. விலங்குகள் சார்ந்ததாக இருக்கிறது. அதைக் கடைபிடித்தால் போதும். எலியும் பாம்பும் ஒரே இடத்தில் இருக்க முடியுமா? என்று கேட்கப்படுவது வழக்கம். இருக்க முடியும் என்கிறது ஆன்மீகம். சிவன் வீட்டில் பாம்பும் எலியும் இருக்கிறதே.. அனைவருக்கும் மகாசிவராத்திரி வாழ்த்துகள் என்றார் அவர்.

Leave a Reply