இயக்குனர் அமீருக்கும், தாலிபான்களுக்கும் இடையேயான  தொடர்பு குறித்து  காவல் துறையினரிடம் புகார் இயக்குனர் அமீருக்கும், தாலிபான்களுக்கும் இடையேயான தொடர்பு குறித்து காவல் துறையினர் கண்காணிக்க வேண்டும் என இந்து மக்கள் கட்சியின் சார்பில் காவல் துறையினரிடம் புகார் தெரிவிக்கப்பட்டுள்ளது .

இந்து மக்கள் கட்சியின் மாநில அலுவலகசெயலாளர் குமரவேல்
காவல்துறையினரிடம் தந்த புகார் மனுவில் கூறியிருப்பதாவது, சினிமா டைரக்டர் அமீர் அளித்த ஒருபேட்டியில் தாலிபான்கள் என்ற ஆப்கானிஸ் தான் தீவிரவாதிகளை ‘போராளிகள்’ என கூறியுள்ளார்.

ஆயிரக் கணக்கான அப்பாவிகளை கொன்றுகுவித்த தாலிபான்களை இப்படிகூறுவது தமிழக இளைஞர்களை அவர்களது அமைப்பில் சேருவதற்கு பிரச்சாரம்செய்வது போல் உள்ளது.
விஸ்வரூபம் படம்தொடர்பான பிரச்சினைகள் அனைத்தும் முடிந்து விட்ட நிலையில் தமிழகத்தில் மத நல்லிணக் கத்திற்கு பங்கம் உருவாக்கும் வகையில் அமீரின் பேட்டி அமைந்துள்ளது.

அவருக்கும், தாலிபான்களுக்கும் மத்தியில் இருக்கும் தொடர்பு குறித்து போலீசார் கண்காணிக்கவேண்டும். வெளிநாடு சுற்றுப்பயணத்தின் போது தாலிபான்கள் யாரையும் அவர் சந்தித்தாரா? என விசாரிக்க வேண்டும். அமீரின் மீது போலீசார் கடும்நடவடிக்கை எடுக்கவேண்டும்.

இந்து முன்னணியின் மாநில தலைராக இருந்து படுகொலை செய்யப் பட்ட ராஜ கோபால் கொலையில் அமீருக்கு தொடர்பு உள்ளதாக கூறப்படுகிறது. இது பற்றியும் விசாரணை நடத்தி தேச விரோத சக்திகளை முளையிலேயே கிள்ளி எறியவேண்டும் என அவர் தனது புகர் மனுவில் தெரிவித்திருப்பதாக தகவல்கள் தெரிவிக்கின்றன.

Leave a Reply