கருப்புப் பணம் பற்றிய  வெள்ளை அறிக்கை, ஒரு பைசா கூட மீட்டபாடில்லை சென்ற 2012 மே மாதம், அன்றைய மத்திய நிதி அமைச்சராயிருந்த திரு பிரணப் முகர்ஜீ , இந்திய பாராளுமன்றத்தில் , கருப்புப் பணம் பற்றிய ஒரு வெள்ளை அறிக்கையை அளித்தார்., , நாட்டில் கருப்புப் பணம் முளைக்கவிடப் படாதென்றும், .வெளிநாட்டில் பாதுகாப்பாக இருக்க அதன் சட்ட விரோதமான இடமாற்றம் செய்யப்படுவது தடுக்கப் படும் என்றும்,

வெளி நாட்டில் இப்படி மாற்றப் பட்டிருக்கும் நமது சொத்து அனைத்தையும் திரும்பப் பெறுவதற்கான பயனுள்ள முயற்சிகள் மேற்கொள்ளப்படும் என்றும் ஐக்கிய முற்போக்குக் கூட்டணி அரசு அந்த வெள்ளை அறிக்கையில் உறுதி அளித்தது.
.
இவ்வருடம் மே மாதம் அந்த அறிக்கை அளித்து ஒரு முழு வருடம் ஆகியிருக்கும். முதற்கண், அரசு எதற்காக இந்த வெள்ளை அறிக்கையை அளித்தது , அதன்பின் இன்றுவரை எடுக்கப்பட்ட நடவடிக்கைகள் யாவை என்பதை சற்று சிந்தித்துப் பார்த்தல் முறையாக இருக்கும்.

இந்த கருப்புப் பண விவகாரத்தை , கடந்த ஐந்து வருடங்களாக பாஜக தொடர்ந்து எழுப்பி வந்திருக்கிறது. இதைப் பற்றி 2008-ல் எழுப்பிய போது, காங்கிரஸ் கட்சியின் பிரமுகர் ஒருவர் ஏளனம் செய்தார். இருப்பினும், ஏப்ரல் 6, 2008 அன்று பிரதமர் மன்மோகன் சிங்கிற்கு நான் தனிப்பட்ட முறையில் எழுதிய கடிதத்தில் இவ்வாறு குறிப்பிட்டிருந்தேன் :

" அண்மையில், ஜெர்மனியில் , அந்நாட்டரசு வரி ஏய்ப்பவர்கள் மீது ஒரு பெரிய அளவில் புலனாய்வை நடத்தியது. அவ்வாய்வு நடத்திய போது, லிக்டென்ஸ்டீயின் என்னுமிடத்திலுள்ள எல் டி ஜி வங்கியிடமிருந்து அதன் 1400 வாடிக்கையாளர்களைப் பற்றிய ரகசிய தகவல்களைச் சேகரித்தது. அதில், 600 பேர் ஜெர்மானியர்; மற்றவர் மற்ற நாடுகளைச் சேர்ந்தவர்கள்.

இந்த விஷயம் அம்பலமானதும், உலகிலேயே மிகப் பெரிய லாஜிஸ்டிக்ஸ் நிறுவனங்களில் ஒன்றான டாயிஷ் போஸ்ட் – இது அநாட்டின் முன்னாளைய அஞ்சல் சேவை- நிறுவனத்தின் தலைவர் தனது பதவியை ராஜினாமா செய்ய நேரிட்டது.

எந்த நாட்டு அரசுடனும் எவ்வித கட்டணமுமின்றி இத்தகவல்களைப் பரிமாறிக்கொள்ள விரும்புவதாக ஜெர்மன் நிதி அமைச்சகம் வெளிப்படையாக அறிவித்தது.

ஐரோப்பாவிலுள்ள ஃபின்லாந்து, நார்வே மற்றும் ஸ்வீடன் போன்ற நாடுகள் இத்தகவல்களைப் பெறுவதில் நாட்டம் காட்டியிருக்கின்றன.

இந்நிகழ்வையொட்டி, ஸ்விட்ஸர்லாந்தில், வரி ஏய்ப்புக்காக அந்நாட்டு வங்கிகளில் பதுக்கி வைக்கப்பட்டிருக்கும் கருப்புப் பணத்தை குற்றமாகக் கருதவும், அத்ற்கென கருப்புப் பணம் அந்நாட்டு விதி முறைகளை மாற்றி , கருப்புப் பண வேட்டையில் ஈடுபட்டிருக்கும் மற்ற நாடுகளுடன் ஒத்துழைப்பதற்கும் அந்நாட்டு அரசு வற்புறுத்தப்படுகிறது என்று அறிக்கைகள் வந்தவண்ணம் இருக்கின்றன.

இந்திய அரசாங்கமும் , அதன் முறையான முகவைகள் மூலம், எல் டி ஜி வங்கியின் வாடிக்கையாளர் பற்றிய தகவல்களைப் பகிர்ந்து கொள்ள ஜெர்மன் அரசைக் கேட்க வேண்டியது அவசியம் என்று நான் நினைக்கிறேன். , வரும் நாட்களில் ஸ்விட்ஸர்லாந்து போன்ற வரிவிலக்கு சொர்க்கபுரிகளில் , ஐரோப்பிய அரசாங்கங்கள் இன்னும் அதிக அளவில் ,வங்கிகளின் செயல்களில் , முக்கியமாக வெளிநாட்டு பணங்களின் வைப்பு பற்றிய விஷயங்களில் வெளிப்படைத்தன்மை ஏற்பட நடவடிக்கைகள் எடுக்கக் கூடும் அத்தகைய முயற்சிகளுக்கு நமது அரசும் முழு ஊக்கம் அளிக்க வேண்டும்.

எல் டி ஜி வங்கிகளில் முறையற்ற வைப்பு பற்றிய தகவல்களை ஜெர்மனியிடம் நாம் கேட்போமானால், பணவிஷயத்தில் நேர்மைக்கும் , வெளிப்படையான விதிமுறைகளுக்கும் மதிப்பளிக்கும் உலக நாடுகளிடையே. பொறுப்புணர்ச்சி மிக்க நாடு என நாம் போற்றப்படுவோம். பிற்காலத்தில் இவ்வரி ஏய்ப்பு, பதுக்கல் இவற்றினால் ஏற்படக் கூடிய தீமைகளிலிருந்து உலக நிதி அமைப்பைத் தூய்மைப் படுத்தும் முயற்சிகளில் நம் பங்களிப்புக்கு இது வகை செய்யும். "

பிரதமரின் ஆலோசனைப்படியோ என்னவோ, இந்த அரசு வெளி நாடுகளில் பதுக்கி வைத்திருக்கிற கருப்புப் பண மீட்பு பற்றி மிகவும் கருத்துடன் இருப்பதாகவும் , ஜெர்மன் வரி அலுவலகத்துடன் தொடர்பில் இருப்பதாகவும் , ந்மது நிதி அமைச்சர் திரு பா சிதம்பரம் எனக்கு மே 2008-ல் ஒரு பதில் அனுப்பினார்.

மார்ச் 2010-ல் நான் ஒரு வலைப்பூவில் கருப்புப் பணத்தைப் பற்றி எழுதினேன்.; அதில் லிக்டென்ஸ்டீயின் எல் டி ஜி வங்கி பற்றிக் குறிப்பிட்டு, அரசு இது பற்றிய ஒரு முழுமையான வெள்ளை அறிக்கயை தாக்கல் செய்ய வேண்டும் என்று வற்புறுத்தினேன்.

இதற்கிடையில், பாஜக , இதனை நன்கு ஆராய , நான்கு பேர் கொண்ட ஒரு சிறப்புப் பணிக்குழுவை அமைத்தது , அனைத்துத் த்கவல்களையும் நன்கு ஆராய்ந்த இக்குழு , வெளிநாடுகளில் திறனில்லாமல் தீதுடன் வந்து பதுக்கப்பட்டிருக்கும் இந்தியப் பணம் சுமார் 25 முதல் 70 லக்ஷம் கோடி ரூபாய் இருக்கும் என்று முடிவுக்கு வந்த்து.

மேலை நாடுகளின் ஆதிக்கத்தில் இருந்த உலகப் பொருளாதாரம் அமெரிக்காவுக்கும் மற்ற மேலை நாடுகளுக்கும் பாதிப்பு இல்லாமல் இருந்த வரையில், உலகம் முழுவதும் மற்றா நாடுகள் இந்த பதுக்கல் நாடுகளின் வங்கிக் கணக்கு ரகசியங்களுக்கு வேறு வழியின்றி ஒத்துப்போய்க் கொண்டிருந்தன. இந்த நாடுகளின் சட்டங்களை ஒன்றும் செய்ய முடியாது என்றே நினைத்தன. ஆனால், உலக பொருளாதார நெருக்கடி அமெரிக்க ஜனாதிபதி ஒபாமா மட்டுமல்ல, இங்கிலாந்து, ஃப்ரான்ஸ் , ஜெர்மனி போன்ற மற்ற பல ஐரோப்பிய நாடுகளின் போக்கையே மாற்றி விட்ட்து. இவையெல்லாம் ஒட்டு மொத்தமாக இணைந்து பதுக்கல் நாடுகளின் வங்கி ரகசியங்கள் சட்டங்களை மாற்ற முனைப்பாக்ச் செயல்பட்த் தொடங்கி விட்டன.

வாஷிங்டன் 2009-ம் வருடம் , யு பி எஸ் என்கிற ஸ்விட்ஸர்லாந்து நாட்டின் மிகப் பெரிய வங்கியை வற்புறுத்தி, கருப்புப் பணத்தைப் பதுக்கி வைத்திருப்பதாக சந்தேகத்தின் பேரில் அதன் 4450 அமெரிக்க வாடிக்கையாளர்களின் பெயர்களை வெளியிட. வைத்த்து.

2009 பாராளுமன்ற லோக் சபா தேர்தலில் ,பாஜக , கருப்புப் பண விவகாரத்தை தேர்தலில் முன்னிறுத்தியது.ஸ்வாமி ராம்தேவ் தமது போதனைகளில் எப்பொழுதும் இதையே குறிப்பிட்டுப் பேசினார். "ஃபைனான்ஷியல் டைம்ஸ் " என்கிற இதழில், ' கருப்புப் பணம் இந்தியாவின் சாபக்கேடு" என்ற தலைப்பில் எழுதிய கட்டுரையில், க்லோபல் ஃபைனான்ஷியல் இன்டெக்ரிடி " என்னும் நிறுவனத்தின் இயக்குனர் திரு ரேமண்ட் பேகர் "வாக்காளர்கள் மத்தியில் இந்த விவகாரம் எதிரொலிக்கத் தொடங்கியிருக்கிறது என்பதை இந்தியா நிரூபித்திருக்கிறது. மற்ற வளர்ந்து வரும் நாடுகளும் இதைக் கவனித்துக் கொள்வது புத்திசாலித்தனம் " என்கிறார்.

அமெரிக்கா மற்றும் மேலை நாடுகளில் சமீபத்தில் ஏற்பட்ட பொருளாதார நெருக்கடி, ஊழல், கருப்புப் பணம் முதலிய தீயவை ஏதோ தனிப்பட்ட நாடுகளுக்கு மாத்திரம் பிரச்சினை என்றில்லாமல் , உலக முழுமையிலும் ஜனநாயகம், சட்டத்தின் ஆட்சி,மற்றும் நல்லாட்சி போன்றவற்றுக்கெல்லாம் ஒரு சவாலாகத் தோன்றி விட்டனவே என்ற எண்ணத்தை ஏற்படுத்தியது. ஆகையால், 2004-ம் வருடம், போதைப் பொருள் மற்றும் குற்றம் பற்றிய ஐக்கிய நாடுகள் சபை அலுவலகம் ,ஒரு முழுமையான , அனைத்தையும் உள்ளடக்கிய "கருப்புப் பணத்திற்கு எதிரான கோட்பாடு " ஒன்றை உண்டாக்கி பின்பற்ற முடிவு செய்தது. ஐம்பத்தெட்டு பக்கங்கள் கொண்ட இதில், பொதுக் காரியதரிசி திரு கோஃபி அன்னான் அவர்கள் மிக வலிமையான முகவுரை ஒன்றை எழுதியிருக்கிறார். அதில் அவர் சொல்கிறார் :

ஊழல் என்பது நம்மை நாம் அறியாமலேயே நம்மை மெல்ல மெல்ல நயவஞ்சகமாக பீடித்து அழிக்கும் கொள்ளை நோய் போன்றது. அது சமூகத்தையே அரித்துக் கொல்லும் .அது ,· ஜனநாயகத்தையும் சட்டத்தின் மாட்சியையும் வலுவிழக்கச் செய்கிறது.
· மனித உரிமைகளை மீறச் செய்கிறது.
· வியாபாரச் சந்தைகளைச் சிதைக்கிறது.
· வாழ்க்கையின் தரத்தை அரிக்கிறது.
· அமைப்பு ரீதியான குற்றங்கள், தீவிரவாதம், போன்ற மற்ற மானுடப் பாதுகாப்புக்கு ஒவ்வாத அச்சுறுத்தல்கள் நன்கு வளர வழி வகுக்கிறது

இந்த கோட்பாடின் 67-ம் பிரிவு , ஐ நாவின் உறுப்பு நாடுகள் அனைத்தும் டிசம்பர் 2005 க்குள் இதில் கையெழுத்திட வேண்டும் என்றும், தமது நாடுகளில் இதற்கு ஒப்புதல் வாங்கி, அவ்வொப்புதலை ஐ நா பொதுக் கரியதரிசியிடம் ஒப்படைக்க வேண்டும் என்று வற்புறுத்துகிறது.

ஐக்கிய முற்போக்குக் கூட்டணி அரசு 2010-ம் வருடம், .முறையாக இந்த விஷயத்தைப் பற்றி கவனம் கொண்டது. வழக்கமாக ஜனதிபதி பாராளுமன்ற ப்ட்ஜெட் கூட்டத்தொடரில் ஆற்றும் உரையில், " இந்தியா ,உலக நாடுகள், வரி பற்றிய தகவல்களை பரிமாறிக் கொள்வதற்கும், வரி ஏய்ப்புக்கு எதிராக எடுக்கும் நட்வடிக்கைகளுக்கும் மேற்கொள்ளும் முயற்சிகளில் ஈடுபாட்டுடன் உதவும் " என்றும் உறுதிபடக் கூறியது.

இரண்டாயிரத்துப் பதினொன்றில் பாஜக நடத்திய ஜன் சேத்னா யத்ரா என்னும் நாடு தழுவிய நடைப்  பயணத்தில் பண வீக்கம், ஊழல் மற்றும் கருப்புப் பணம் என்ற மூன்று பிரச்சினைகளை முன் வைத்தது;. ஆனால், 2008-ல் நடந்த காமன்வெல்த் விளையாட்டு போட்டிகளுக்குப் பிறகு, ஊழல், மற்றும் விலைவாசி உய்ர்வு என்ற இரு பிரச்சினைகள், ஊடகங்களிலும் , பாராளுமன்றத்திலும் நடந்த அனைத்து விவாதங்களிலும் அதிகமாகப் பேசப்பட்டதால், நான் இந்த நடைப் பயணத்தில் கருப்புப் பணத்தைப் பற்றிப் பொதுக் கூட்டங்களில் பேசிய போது மக்கள்.மிகவும் உன்னிப்பாக நான் பேசியவைகளைக் கவனித்தனர்.

அந்த 2011-ல் நடந்த ஜன் சேத்ன யாத்ரா என்கிற நடைப் பயணம் என்னுடைய சமீபத்திய  முயற்சி. அது நாற்பது நாட்கள் நடந்தது. நாட்டின் ஒவ்வொரு மாகாணத்திற்கும், ஒவ்வொரு யூனியன் பிரதேசத்திற்கும் சென்றேன். பொதுவான் கருத்து என்னவென்றால், 1990-ல் என்னுடைய முதல் நடைப் பயணம் –இடையில் சமஷ்டிபுரில் நிறுத்த்ப்பட்ட சோம்நாத்திலிருந்து அயோத்யா வரை என்கிற பயணம் தான் மிகப் பெரிய எதிர்பர்ப்பைக் கொடுத்தது. இதற்குக் காரணம் அந்தப் பயணத்தின் முக்கிய நோக்கம் ராமர் கோவில் என்ற மதம் சம்பந்தப் பட்ட விஷயம் என்பர். ஆனால், என்னுடைய சமீபத்திய இரண்டு பயணங்களும் – 1997-ல் நடந்த ஸ்வர்ண ஜயந்தி யாத்ரா , மற்றும் 2011-ன் ஜன் சேத்னா யாத்ரா – இதுவரை மிகப் பெரிய ஆத்ரவைக் கொடுத்துள்ளன என்று நான் உறுதிபடச் சொல்ல விரும்புகிறேன்.. இவ்விரண்டுமே நல்லாட்சி மற்றும் மக்கள் நலன் என்ற விஷயங்களைப் பற்றித்தான் இருந்தன.!

பாராளுமன்றத்தில் மே 16, 2012 அன்று அளிக்கப்பட்ட கருப்புப் பணத்தைப் பற்றிய வெள்ளை அறிக்கையில் , தனது முகவுரையில், அன்றைய நிதி அமைச்சர் திரு ப்ரணப் முகர்ஜி , " ஊழல் மற்றும் கருப்புப் பணம் பற்றிய பொது விவாதங்கள் 2011-ல் முன்னிலை பெற்றன" என்று ஒப்புக் கொண்டார்.

தனது அறிமுகவுரையில், திரு ப்ரணவ் முகர்ஜி மேலும் சொன்னார் :

" கருப்புப் பணத்தின் அளவைப் பற்றி அறிந்து சொல்ல நியமிக்கப் பட்ட மூன்று நிறுவனங்களின் முடிவுகளையும் இதில் இணைக்க முடிந்திருந்தால் நான் மிகவும் மகிழ்ந்திருப்பேன் இந்த அறிக்கைகளை இவ்வருட முடிவில்தான் கிடைக்கப் பெறும்.வாய்ப்பு உள்ளது. இருப்பினும் , பாராளுமன்றத்தில் அளிக்கப்பட்ட வாக்குறுதியை நிறைவேற்றும் வகையில் இந்த ஆவணத்தை இங்கு அளிக்க முடிவு செய்திருக்கிறேன்."

பாஜக வற்புறுத்தலுக்கிணங்க பெரியவர் ப்ரணவ் அந்த வெள்ளை அறிக்கயை சமர்ப்பித்தார். அதில்,

" நமது வாழ்க்கையின் சமூக, பொருளாதார மற்றும் அரசியல் தளங்களில், கருப்புப் பணத்தின் தாக்கம் , நாட்டின் செங்கோன்மை ,மற்றும் சான்றாண்மை என்னும் பொது ஒழுக்கம் போன்றவற்றை பலவீனப்படுத்தும் என்பதில் சற்றும் ஐயமே கிடையாது. முறை தவறிய ஆட்சி ,மற்றும் ஊழல் , எளியோரை அளவுக்கு மீறி பாதிக்கும். உள்ளடக்கிய வளர்ச்சி திட்டம் என்பதின் வெற்றியே , ஊழல் மற்றும் கருப்புப் பணம் போன்ற தீய சக்திகளை , தனது அஸ்திவாரத்தினின்றும் வேரொடு அகற்றும் நமது சமூக அமைப்பின் திறனில்தான் இருக்கிறது ."

என்னுடைய வருத்தம் என்னவென்றால், இவ்வெள்ளை அறிக்கையைத் தொடர்ந்து ஒன்றும் நடக்கவில்லையே என்பது ஏமாற்றம்ளிக்கிறது என்பதுதான். .

கருப்புப் பணத்தின் அளவைக் கண்டுபிடிக்க நியமிக்கப்பட்ட மூன்று நிறுவனங்களும் இன்னும் தமது அறிக்கைகளை அளிக்கவில்லை. அமெரிக்கா, ஜெர்மனி போன்ற பலமிக்க நாடுகள் மட்டுமல்ல, நைஜீரியா, பெரு, மற்றும் ஃபிலிப்பைன்ஸ் போன்ற சிறு நாடுகள் கூட, கள்ளத்தனமாகப் பறிபோன தமது செல்வங்களை ,பதுக்கல் நாடுகளிலிருந்து திரும்பிப் பெற்றிருக்கின்றன. ஆனால், நம் இந்தியாவிலோ, ஸ்விஸ் வங்கிகளிலும் மற்றும் வேறு பதுக்கல்  இடங்களிலும் கணக்கு வைத்திருப்பதாகக் கருதப்படும் சிலரின் பெயர்களை மட்டும் சில அறிக்கைகளில் பார்த்திருக்கிறோமே தவிர, திருட்டுத்தனமாக பதுக்கப்பட்ட ஒரு பைசா கூட நமது நாட்டுக்குத் திருப்பி அனுப்பப் பட்டதாக கேள்விப்படவே இல்லை.

வெள்ளை அறிக்கையை அளித்தபோது இருந்த நிலையை விட இன்று மிகவும் உயர்ந்த இடத்தில் இருக்கும் திரு ப்ரணவ் முகர்ஜியை , அவ்வாவணத்தின் மூலம்  மக்களுக்கு அளித்த சத்தியத்தை இவ்வரசு எழுத்திலும் உணர்விலும் முழுமையாக நிறைவேற்றும்படிச் செய்ய வேண்டும் என்று நான் வேண்டிக் கொள்கிறென்.

.அடிக் குறிப்பு":

ஆபிரகாம் லிங்கன் காங்கிரஸுக்கு தேர்ந்தெடுக்கப்பட்டது 1846.
ஜான் எஃப் கென்னடி காங்கிரஸுக்குத் தேர்ந்தெடுக்கப்பட்டது 1946.

 ஆபிரகாம் லிங்கன் ஜனாதிபதியாகத் தேர்ந்தெடுக்கப்பட்டது 1860
ஜான் எஃப் கென்னடி ஜனாதிபதியாகத் தேர்ந்தெடுக்கப்பட்டது 1960

இருவருமே குடியுரிமைகள் பற்றிக் கவலைப் பட்டனர்.
இருவரின் மனைவிகளும் வெள்ளை மாளிகையில் இருக்கும் போதே தமது குழந்தைகளை இழந்தனர்.

இரு ஜனாதிபதிகளுமே வெள்ளிக் கிழமைகளில் சுடப்பட்டனர்.
இரு ஜனாதிபதிகளுமே தலையில் சுடப்பட்டு இறந்தனர்.

லிங்கனின் காரியதரிசியின் பெயர் கென்னடி.
கென்னடியின் காரியதரிசியின் பெயர் லிங்கன்.

இருவருமே தெற்கு பிராந்தியத்தாரால் சுடப்பட்டனர்.
இருவரின் அடுத்தவர்களுமே ஜான்ஸன் என்ற பெயர் கொண்ட தெற்கத்தியர்தாம்

லிங்கனுக்கு அடுத்து வந்த ஆண்ட்ரூ ஜான்ஸன் பிறந்த வருடம் 1808.
கென்னடிக்குபின் வந்த லிண்டன் ஜான்ஸன் பிறந்த வருடம் 1908

லிங்கனைக் கொன்ற ஜான் விக்ஸ் பூத் என்பவன் பிறந்த வருடம் 1839.
கென்னடியைக் கொன்ற லீ ஹார்வீ ஆஸ்வால்ட் பிறந்த வருடம் 1939.

இரு கொலையாளிகளுமே அவர்களின் மூன்று பெயர்களாலேயே அறியப் பட்டனர்.
இரு பெயர்களுமே ( ஆங்கிலத்தில்) 15 எழுத்துக்களைக் கொண்டவை.

லிங்கன் ஃபோர்ட் என்னும் திரையரங்குக்கருகே சுடப்பட்டார்.
கென்னடி ஃபோர்ட் தயாரித்த லிங்கன் என்னும் காரில் சுடப்பட்டார்.

லிங்கன் திரையரங்குக்கருகே சுடப்பட்டார்; கொலையாளி ஒரு கிடங்கில் ஓடி மறைந்து கொண்டான் .
கென்னடி ஒரு கிடங்கிலிருந்து சுடப்பட்டார்; கொலையாளி ஓடி ஒரு திரையரங்கில் மறைந்து கொண்டான்

இந்தக் குறுஞ் செய்தி " தற்செயல் என்பது புரியாமலே இருப்பதற்கு கடவுள் மேற்கொள்ளும் வழி " என்று ஒரு முறை ஆல்பர்ட் ஐன்ஸ்டைன் சொன்னதை எனக்கு நினைவு படுத்துகிறது.

நன்றி ; எல்.கே. அத்வானி

நன்றி; தமிழில் வி.ராஜகோபாலன்

Leave a Reply