கர்நாடக சட்டப் பேரவை தேர்தல்  பிரசாரம் ஒய்ந்தது  கர்நாடக சட்டப் பேரவை தேர்தலுக்கான பிரசாரம் நேற்றுடன் ஓய்ந்தது. வேட்புமனு தாக்கல் கடந்த மாதம் 17-ஆம்தேதி நிறைவுபெற்றது. இதையடுத்து, மாநிலம்முழுவதும் தேர்தல்பிரசாரம் தொடங்கியது. பாஜக, காங்கிரஸ், கஜக , மஜத, உள்ளிட்ட அரசியல் கட்சி தலைவர்கள் தேர்தல்பிரசாரத்தில் ஈடுபட்டனர்.

பா.ஜ.க., சார்பில் எல்கே.அத்வானி, நிதின்கட்கரி, குஜராத் முதல்வர் நரேந்திரமோடி, கர்நாடக முதல்வர் ஜெகதீஷ்ஷெட்டர், காங்கிரஸ் சார்பில் பிரதமர் மன்மோகன்சிங், சோனியாகாந்தி, ராகுல்காந்தி, மத்திய அமைச்சர்கள் கபில்சிபல், மல்லிகார்ஜுன கார்கே, தில்லி முதல்வர் ஷீலாதீட்சித், மஜத சார்பில் தேவகெüடா, குமாரசாமி, கஜக சார்பில் எடியூரப்பா, உள்ளிட்ட தலைவர்கள் பிரசாரத்தில் தீவிரமாக ஈடுபட்டனர்.

வெள்ளிக் கிழமை மாலை 5ந்து மணியுடன் பிரசாரம் முடிவடைந்தது . வாக்குப்பதிவு: ஞாயிற்றுக் கிழமை (மே 5) காலை 7மணி முதல் மாலை 5 மணிவரை வாக்குப்பதிவு நடைபெறுகிறது. மொத்தம் மாநிலத்தில் 4,36,14,195 வாக்காளர்கள் உள்ளனர். 224 சட்டப் பேரவை தொகுதிகளுக்கு நடைபெறும்தேர்தலில் 2948 வேட்பாளர்கள் போட்டி யிடுகிறார்கள். இதில் ஆண்வேட்பாளர்கள் 2778 பேரும், பெண்வேட்பாளர்கள் 170 பேரும் அடங்குவர். மாநிலம் முழுவதும் பலத்த போலீஸ்பாதுகாப்பு போடப்பட்டுள்ளது.

Leave a Reply