சித்தாராமய்யாவின் சித்து விளையாட்டு! சமீபத்தில் நடந்த, கர்நாடக சட்டசபை தேர்தலில். ஆளும் கட்சியான பா.ஜா.க., வை தோற்கடித்து, அதிரடியான வெற்றியை பெற்றது, காங்கிரஸ். சில ஆண்டுளுகக்கு பின் , மீண்டும் ஆட்சி கட்டிலில் ஏறி இருப்பதால், கர்நாடக மாநில காங்கிரஸ் கட்சியினர், சந்தோஷத்தில் மிதப்பர் என்றுதான், அனைவரும் நினைத்தனர்.

ஆனால், அங்கு நிலைமை வேறு மாதிரியாக இருக்கிறது. ஆட்சிக்கு வந்த, சில நாட்களிலேயே, காங்கிரஸ் கட்சிக்குள், கோஷ்டி பூசல், உச்சக்கட்டத்தை எட்டியுள்ளது. கர்நாடகா மாநில காங்., மூத்த தலைவரான, சிவகுமார், மாநில காங்கிரஸ் தலைவர், பரமேஸ்வரய்யா போன்றோர், முதல்வர் சித்தராமையாவுக்கு, ஆரம்பத்திலேயே குழி பறிக்க துவங்கி விட்டனர்.

'துணை முதல்வராக யாரையும் நியமிக்க வேண்டாம்; எல்லா விஷயங்களையும் நானே கவனித்துக் கொள்கிறேன்' என, கட்சி மேலிடத்திடம், கறாராக கூறிவிட்டார், சித்தராமய்யா. இதனால், துணை முதல்வர் பதவி பற்றி, கற்பனை கோட்டை கட்டியிருந்த, சிவகுமாரும், பரமேஸ்வரய்யாவும், சித்தராமய்யா மீது, 'செம'கடுப்பில் இருக்கின்றனர்.

'துணை முதல்வராக, யாரையும் நியமிக்க வேண்டாம் என்கிறாரே… இந்த ஆளுக்கு , ஏன், இந்த கொலைவெறி' என, சித்தராமய்யாவின் முதல்வர் பதவியை, காவு வாங்குவதற்கு நேரம் பார்த்துக் கொண்டிருக்கின்றனர்.

தங்கள் ஆதரவாளர்களிடம், 'பல ஆண்டுகளாக, கர்நாடகாவில் துணை முதல்வர்கள் நியமிக்கப்படுவது வழக்கமாக உள்ளது. ஏன், இந்த சித்தராமய்யாவே, ஒரு காலத்தில், துணை முதல்வராக இருந்தவர்தான். அரசியலில், நம்மை வளர விடாமல் செய்வதற்காக, இந்த மனுஷன், இப்படி செய்கிறார்' என, இரண்டு பேரும், தனித் தனியே புலம்புகிறனர்.

Leave a Reply