மேற்குவங்க மாநிலம் ஹவுரா மக்களவை தொகுதி இடைத் தேர்தலில் பாஜக ஆதரவால் திரிணாமுல் வெற்றிபெற்றதாக காங்கிரஸ் கருத்து தெரிவித்துள்ளது திரிணாமுல் காங்கிரசைசேர்ந்த ஹவுரா மக்களவை தொகுதி எம்பி அம்பிகாபானர்ஜி அண்மையில் உடல் நலக் குறைவு

காரணமாக உயிரிழந்தார். இதைதொடர்ந்து கடந்த 2ம் தேதி இந்த தொகுதியில் இடைத்தேர்தல் நடந்தது. கடந்தமுறை காங்கிரசுடன் கூட்டணி அமைத்து திரிணாமுல் போட்டியிட்டது. வெற்றி பெற்றார்.

இடையில் ஐக்கியமுற்போக்கு கூட்டணியிலிருந்து திரிணாமுல் விலகியது. இதைதொடர்ந்து இந்த தொகுதியில் திரிணாமுல் காங்கிரஸ், கம்யூனிஸ்ட், காங்கிரஸ் மற்றும் பாஜக உள்ளிட்ட கட்சிகளிடையே நான்கு முனை போட்டி நிலவியது . கடைசிநேரத்தில் பாஜ வேட்பாளர் போட்டியிலிருந்து விலகிக்கொண்டார். காங்கிரசுக்கோ மார்க்சிஸ்ட்கட்சிக்கோ வாக்களிக்கவேண்டாம் என பாஜ மாநில தலைவர் ராகுல்சின்கா அறிக்கை வெளியிட்டார். இந்ததேர்தலில் சுமார் 27 ஆயிரம் வாக்கு வித்தியாசத்தில் திரிணாமுல் வெற்றிபெற்றது.

மேற்கு வங்கத்தில் மற்றகட்சிகளின் தயவு திரிணாமுல் காங்கிரசுக்கு தேவையில்லை என்பதை தேர்தல்முடிவு காட்டுவதாக மம்தா கூறினார். 2 ஆண்டுகாலம் சிறப்பான ஆட்சி தந்ததற்கு மக்கள் பரிசளித்திருக் கிறார்கள் என்றார். இதற்கிடையில் இந்தவெற்றி பாஜக அளித்த பரிசு என்று காங்கிரஸ் குற்றம் சாட்டியுள்ளது. போட்டியில் இருந்து கடைசிநேரத்தில் பாஜக விலகியதால்தான் திரிணாமுல் காங்கிரஸ் வெற்றிபெற்றது என்று காங்கிரஸ் கருத்து தெரிவித்துள்ளது .

Leave a Reply