தமிழகத்தின் பலமாவட்டங்களில், மாவோயிஸ்ட்கள் தளம் அமைத்துள்ளனர் தமிழகத்தின் பலமாவட்டங்களில், மாவோயிஸ்ட்கள் தளம் அமைத்துள்ளனர், இதன்காரணமாக குன்னூர், ஊட்டி, கோவை, நாகர்கோவில் உள்ளிட்ட இடங்களில் பாஜக.,வின் முக்கிய நிர்வாகிகள் தாக்கப்பட்டுவருகின்றனர் என்று பாஜக மாநில தலைவர் பொன் ராதாகிருஷ்ணன் தெரிவித்துள்ளார் .

பாரதிய ஜனதா மாநிலசெயற்குழு கூட்டம், நேற்று, கிருஷ்ணகிரியில் தொடங்கியது . கூட்டத்தில், அகில இந்திய இணை பொதுஅமைப்பு செயலாளர் சதீஸ், தமிழக பாஜக மாநில தலைவர் பொன்.ராதாகிருஷ்ணன்,தேசியசெயற்குழு உறுப்பினர் இல.கணேசன், தேசிய செயலாளர் தமிழிசை சவுந்திர ராஜன், மாநில துணை தலைவர் ராஜா, மாநில அமைப்பு பொது செயலாளர்கள் மோகன்ராஜ், உள்ளிட்ட மாநில, மாவட்ட நிர்வாகிகள் கலந்துகொண்டனர்.

இதில் மாநில தலைவர் பொன் ராதாகிருஷ்ணன் செய்தியாளர்களிடம் கூறியதாவது: குஜராத் முதல்வர் நரேந்திரமோடி, பாஜக தேர்தல் பிர்ச்சாரகுழு தலைவராக நியமிக்கப்பட்ட பிறகு , நாடுமுழுவதும் பாரதிய ஜனதா வினர் மிகுந்த உற்சாகத்தோடு லோக்சபாதேர்தல் பணியை துவங்கிவிட்டனர்.

பயங்கரவாதத்துக்கு எதிராக குரல்கொடுக்கும் ஒரேகட்சி பாஜக தான். இதன்காரணமாக குன்னூர், ஊட்டி, கோவை, நாகர்கோவில் உள்ளிட்ட இடங்களில் பாஜக.,வின் முக்கிய நிர்வாகிகள் தாக்கப்பட்டுவருகின்றனர்.பெங்களூருவில், பாஜ கட்சி அலுவலகம் அருகே, குண்டுவைத்து, வெடிக்க வைத்ததில், தமிழகத்தைசேர்ந்த பயங்கரவாதிகள் ஈடுபட்டுள்ளனர். இதன்மூலம் பயங்கரவாதிகள், தமிழகத்தில் தளம் அமைத்திருப்பது, தெரியவந்துள்ளது

தற்போது, தமிழகத்தில் கிருஷ்ணகிரி, கோவை, தர்மபுரி,சேலம், தேனி உள்ளிட்ட பல மாவட்டங்களில் மாவோயிஸ்ட் தீவிரவாதிகள் தளம் அமைத்துள்ளனர். உடனடியாக இதனை கவனிக்கவில்லை எனில் , தமிழகத்தில் பல அசம்பாவித சம்பவங்கள் நடக்கவாய்ப்புள்ளது.நாட்டில் பிரிவினைவாதிகள் தலைதூக்க ஆரம்பித்துள்ளது. இலங்கை தமிழர்களுக்கு ஆதரவான கூட்டத்தில், யாசின்மாலிக் போன்றவர்களை கலந்துகொள்ள செய்வதை ஏற்றுக்கொள்ள முடியாது.தமிழகம்முழுவதும் லோக்சபா தேர்தலையொட்டி, பலமாவட்டங்களில் கருத்தாய்வு கூட்டம் நடந்துவருகிறது. வரும் தேர்தலில், பா.ஜ.க, சொந்தபலத்தில் வெல்ல தயாராக உள்ளது. மத்தியில் ஆளும் காங்கிரஸ் அரசு கண்டிப்பாக அப்புறப்படுத்தவேண்டும்.இதற்காக, எங்கள் உணர்வுகளை புரிந்துகொண்டு, நாட்டுக்கு நல்ல பிரதமர்வேண்டும், என்ற எண்ணத்தோடு உள்ள கட்சிகளோடு, லோக்சபாதேர்தலில், தமிழகத்தில் பாஜக கூட்டணி வைத்துக்கொள்ளும்.என்று கூறினார்.

Leave a Reply