விமானப்படை ஹெலிகாப்டர் விபத்தில்  தமிழக விமானப்படை அதிகாரி உயிரிழப்பு உத்தர்காண்ட் பெரும் வெள்ளத்தில் சிக்கியோரை மீட்கும்பணியில் ஈடுபட்டிருந்த விமானப்படை ஹெலிகாப்டர் விபத்துக்குள்ளானதில் உயிரிழந்த 20பேரில் தமிழகத்தை சேர்ந்த விமானப்படை அதிகாரியான பிரவீனும் ஒருவர் என்பது தெரியவந்துள்ளது.

இந்த சோகசெய்தியால் அவரது உறவினர்கள் அதிர்ச்சியடைதுள்ளனர். உத்தர்காண்ட் மாநிலம் இதுவரை கண்டிராத பெருவெள்ளசேதத்தை எதிர் கொண்டிருக்கிறது. இதுவரை சுமார் 1000 க்கும் மேற்பட்ட உடல்கள் மீட்கப்பட்டுள்ளன. மேலும் பல்லாயிர கணக்கானோரை மீட்கும்பணி தொடர்ந்து நடைபெற்று வருகின்றது . இப்படி மீட்புப்பணியில் ஈடுபட்டிருந்த விமானப்படைக்கு சொந்தமான ஹெலிகாப்டர் நேற்று கெளரிகுண்ட் பகுதியில் விபத்துக்குள்ளானது. இதில் ராணுவ அதிகாரிகள், விமானப்படை அதிகாரிகள் உள்ளிட்ட 20 பேர் உயிரிழந்தனர். இவர்களில் 12பேர் உடல்கள் மீட்கப்பட்டுள்ளன. சிலரது உடல்கள் அடையாளம் காணப்பட்டுள்ளன.

மதுரை தியாகராய பொறியியல்கல்லூரியில் கடந்த 2007ம் ஆண்டு பி இ. முடித்த பிரவீன் அதிக ஊதியத்துடன் TCS நிறுவனத்தில் கிடைத்தவேலையை உதறினார். 2009 ம் ஆண்டு விமானப்படையில் இணைந்தார். மேற்கு வங்க மாநிலம் பராக்பூர் விமானபடை தளத்தில் பணியாற்றிக் கொண்டிருந்த பிரவீன், இரண்டு நாட்களுக்குமுன்பு உத்தர்காண்ட் மீட்புப்பணிகளுக்கு சென்றார். புறப்படும் முன்னர் குடும்பத்தினருடன் தொலைபேசியில் பேசியுள்ளார். பிறகு மீட்புபணி முடிந்தபின்னர் பேசுவதாகக் கூறியுள்ளார்.இந்நிலையில் விபத்து ஏற்பட்டு உயிரிழந்துள்ளார்.

Tags:

Leave a Reply