அடுத்த ஆண்டு நடைபெறும் மக்களவைத்தேர்தலில் பாஜக கூட்டணி வெற்றிபெற சிறுபான்மையின மக்களின் ஆதரவும்தேவை என குஜராத் முதல்வரும், பா.ஜ.க தேர்தல் பிரசாரக்குழுவின் தலைவருமான நரேந்திரமோடி கூறியுள்ளார்.

பா.ஜ.க.,வின் தேசிய பிரசாரக்குழுக் கூட்டம் ராஜ்நாத்சிங் தலைமையில் ஞாயிற்றுக் கிழமை தில்லியில் நடைபெற்றது. இந்த கூட்டத்தில் குஜராத்முதல்வரும், பிரசார குழுவின் தலைவருமான நரேந்திரமோடி, மக்களவை எதிர்க் கட்சித் தலைவர் சுஷ்மாஸ்வராஜ், மாநிலங்களவை எதிர்க் கட்சித் தலைவர் அருண்ஜேட்லி, பாஜக செய்தித் தொடர்பாளர்கள் ரவிசங்கர்பிரசாத், பிரகாஷ் ஜவடேகர், நிர்மலா சீதாராமன் உள்ளிட்டோர் கலந்துகொண்டனர்.

இந்த கூட்டத்தில் மோடி பேசியதாவது : குஜராத்தில் 20 முதல் 25 சதவீத இஸ்லாமியர்கள் பா.ஜ.க.,வுக்கு ஆதரவாக வாக்களித்துள்ளனர். இந்த சூழ் நிலையில் நாடுமுழுவதுமே இதேபோன்ற ஆதரவை நாம் ஏன்பெற முடியாது? எனவே அனைத்து சிறுபான்மையினரின் ஆதரவையும்பெறுவது அவசியம். இதற்கான நடவடிக்கைகளை மேற்கொள்ளவேண்டும்.

இளைஞர்கள் தான் மாற்றத்தை விரும்புபவர்களாக இருக்கின்றனர் . அவர்களையும், முதல் முறையாக வாக்களிப்பவர்களையும் கவரவேண்டியது மிகவும் முக்கியம்.

மத்திய அரசின் பலவீனமான பொருளாதாரமேலாண்மை குறித்து பா.ஜ.க நிர்வாகிகள் தொடர்ந்து விமர்சனம் செய்யவேண்டும். காங்கிரஸ் கூட்டணியின் தவறான ஆளுகை குறித்து மக்கள்மன்றங்களில் பிரசாரம் செய்யவேண்டும். நமது கட்சியின் ஆணிவேராக இருப்பது தொண்டர்கள்தான். அவர்களை ஒன்றுதிரட்டி வலுப்படுத்த வேண்டும். மத்தியிலும், மாநிலங்களிலும் ஆளும் காங்கிரஸ்கூட்டணி அரசுகளுக்கு எதிராக போராட்டங்கள், பொதுக் கூட்டங்கள் நடத்தவேண்டும். அடுத்த 200 நாள்களில் இப்பணிகளை நாம் செய்தாகவேண்டும் என்றார் நரேந்திரமோடி.

Leave a Reply