மோடி வருகைக்கு பின் , தமிழகத்தில், பா.ஜ.க, என்ன முடிவெடுக்கப்போகிறது என்ற எதிர்பார்ப்பு, எல்லா கட்சிகளிடமும் காணப்படுகிறது . இது தான் மோடி செய்த மாயம் ' என்று தமிழக பா.ஜ.க , தலைமை மகிழ்ச்சி தெரிவித்துள்ளது.

பா.ஜ.க பிரதமர் வேட்பாளர் மோடி, 26ம் தேதி, திருச்சி இளந்தாமரை மாநாட்டில் பேசினார். எந்ததேசியத் தலைவருக்கும் இல்லாத விதத்தில், மோடி பேச்சைக்கேட்க, நான்கு லட்ச்சத்துக்கும் அதிகமான பொதுமக்கள் திரண்டனர்.

இதுகுறித்து, தமிழக பாஜக ., தலைவர் பொன்.ராதாகிருஷ்ணன் கூறியதாவது: மாநாட்டுக்கு இரண்டுநாட்களுக்கு முன், ஆன்லைனில், 80 ஆயிரம்பேர் முன்பதிவு செய்துவிட்டனர். கட்டணம் செலுத்தி பதிவுசெய்தவர் மட்டும் ஒருலட்சம் பேர், அன்றைய மாநாட்டில் கலந்து கொண்டுள்ளனர். எந்தகட்சிக்கும் கிடைக்காத வெற்றி இது. மோடி வருகைக்கு பிறகு, தமிழகத்தில் பாஜக.,வுக்கு ஆதரவான அலை எழுந்துள்ளது.

ஐந்து மாநில சட்டசபைதேர்தல் முடிவுக்கு பிறகு, அந்த அலை பலமாகவீசும். இப்போதே, தமிழக அரசியலில் திடீர்மாற்றம் ஏற்பட்டிருக்கிறது. பாஜக.,வை சார்ந்து முடிவு எடுக்கவேண்டிய கட்டாயம் ஏற்பட்டுள்ளது. பெரியகட்சிகள் கூட, பாஜக ., என்ன முடிவு எடுக்கப்போகிறது என்ற எதிர்பார்க்கும் நிலை வந்துள்ளது. இது மோடி வருகையாலும், அவருக்கு தமிழகமக்கள் அளித்த ஆதரவாலும் ஏற்பட்ள்ள மாற்றம்.

இவ்வளவு பெரிய வெற்றிபெற்றுள்ள, இந்த மாநாட்டை நடத்துவதற்கு, நாங்கள் பெரும் சிரமப்பட்டோம். 12 நாட்களுக்கு முன்புதான் மைதானத்துக்கான அனுமதியை கொடுத்தனர். வெறும் காடாககிடந்த அந்த இடத்தை, 10 நாளில், நாங்கள் சீர்படுத்தினோம். ஆனால், அநியாய வாடகைகேட்டனர். மத்திய அமைச்சர்வரை பேசி அனுமதிபெற்ற பிறகும், உடனடியாக மைதானத்தை எங்களிடம் தரவிடாதவாறு, அரசியல் ரீதியாக முட்டுக்கட்டை போட்டனர். இதுபோன்ற சங்கடம், காங்கிரசுக்கோ, மற்ற கட்சிகளுக்கோ ஏற்பட்டிருந்தால், பெரியபோராட்டமே வெடித்திருக்கும். நாங்கள் அதை அரசியலாக்க விரும்பவில்லை. ஒருவேளை, மைதானத்துக்கான அனுமதியை ரயில்வேதுறை தராமல் போயிருந்தால், மோடி வந்திருக்கமாட்டார். ஆனால், திருச்சியில் மிகப்பெரிய கண்டன போராட்டத்தை நாங்கள் நடத்தியிருப்போம்.என்று பொன்.ராதாகிருஷ்ணன் கூறினார்.

Leave a Reply